اۋا رايىن بولجاۋشىلار تۇمان مەن كوكتايعاققا بايلانىستى اباي بولۋعا كەڭەس بەرەدى.
«قازگيدرومەت» رمك 1 ناۋرىزدا اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى Almaty-akshamy.kz
قىزىلوردا وبلىسىنىڭ ورتالىعىندا تۇمان كۇتىلەدى.
باتىس قازاقستان وبلىسىنىڭ باتىسىندا، وڭتۇستىگىندە كوكتايعاق بولادى. ءوڭىردىڭ باتىسىندا، سولتۇستىگىندە تۇمان بولجانادى.
اتىراۋ وبلىسىنىڭ سولتۇستىگىندە، باتىسىندا جانە ورتالىعىندا تۇمان كۇتىلەدى.
اقمولا وبلىسىنىڭ باتىسى مەن وڭتۇستىگىن تۇمان باسادى. سولتۇستىك-شىعىستان سوققان جەل وڭتۇستىك-باتىسقا اۋىسادى، ءوڭىردىڭ سولتۇستىك جارتىسىندا 15-20 م/س كۇشپەن جەل تۇرادى.
قوستاناي وبلىسىنىڭ سولتۇستىگىندە، وڭتۇستىگىندە تۇمان بولادى.
ماڭعىستاۋ وبلىسىنىڭ باتىسىندا جانە ورتالىعىندا تۇمان كۇتىلەدى.
تۇندە جانە تاڭەرتەڭ پاۆلودار وبلىسىنىڭ سولتۇستىگىندە، ورتالىعىندا تۇمان، كۇندىز وبلىستىڭ سولتۇستىگىندە جاياۋ بۇرقاسىن بولجانادى. وڭتۇستىك-باتىستان جەل سوعادى، كۇندىز وبلىستىڭ سولتۇستىگىندە ونىڭ جىلدامدىعى 15-20 م/س ارتادى.
كۇندىز سولتۇستىك قازاقستان وبلىسىنىڭ سولتۇستىك-شىعىسىندا جاياۋ بۇرقاسىن كۇتىلەدى. ءوڭىردىڭ وڭتۇستىگىندە تۇمان بولجانادى. وڭتۇستىك-باتىستان، باتىستان جەل سوعادى، ءوڭىردىڭ سولتۇستىك-شىعىسىندا، شىعىسىندا ەكپىنى 25 م/س جەتەدى.
تۇندە جانە تاڭەرتەڭ تۇركىستان وبلىسىنىڭ تاۋلارىندا قاتتى جاۋىن-شاشىن (جاڭبىر، قار) بولادى. وڭتۇستىك-باتىستان جەل سوعادى، تاۋلى اۋدانداردا ەكپىنى 15-20 م/س قۇرايدى.
بۇدان بولەك، 1-2 ناۋرىز ارالىعىندا باتىس قازاقستان، اقتوبە (وڭتۇستىك) وبلىستارىنداعى وزەن باسسەيندەرىندە ەرىگەن قار اعىنىنىڭ قالىپتاسۋى جانە وزەندەردە سۋ دەڭگەيلەرىنىڭ كوتەرىلۋى كۇتىلەدى.