ەلىمىزدىڭ ءبىرقاتار ايماعىندا بۇگىن وقۋشىلار مەكتەپكە بارمايدى.
استانا، سەمەي، قاراعاندى جانە اقتوبە قالاسىنىڭ وقۋشىلارى ايازعا بايلانىستى قاشىقتان وقىتۋ فورماتىنا اۋىستىرىلدى، دەپ حابارلايدى Almaty-akshamy.kz.
«16 اقپان كۇنى اۋا رايىنىڭ قولايسىزدىعىنا بايلانىستى ءى اۋىسىمدا وقيتىن 0-11 سىنىپ وقۋشىلارى جانە كوللەدج ستۋدەنتتەرى ءۇشىن ساباق قاشىقتىقتان وقىتۋ فورماتىنا اۋىستىرىلادى»، - دەلىنگەن استانانىڭ ءبىلىم باسقارماسى تاراتقان حابارلامادا.
وسىنداي بۇيرىققا سەمەيدىڭ ءبىلىم ۆەدومستۆوسى دا قول قويدى. اقتوبە جانە قاراعاندى وبلىستارىندا دا ەكى اۋىسىمدا دا وقۋ قاشىقتان وقىتۋعا اۋىستىرىلدى.