استانا مەن ەلدىڭ 14 وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى Kazinform «قازگيدرومەت» رمك-نا سىلتەمە جاساپ.
قاراعاندى، اقتوبە جانە باتىس قازاقستان وبلىستارىندا جاياۋ بۇرقاسىن بولادى.
استانادا جانە اقمولا، پاۆلودار، شىعىس قازاقستان، قوستاناي مەن اباي وبلىستارىندا بوران سوعىپ، كوكتايعاق بولادى.
ۇلىتاۋ وبلىسىندا جاياۋ بۇرقاسىن بولىپ، ماڭعىستاۋدا كوكتايعاق بولادى.
تۇركىستان، جامبىل وبلىستارىندا تۇمان تۇسەدى. سولتۇستىك قازاقستان وبلىسىنىڭ باسىم بولىگىندە قار جاۋىپ، كۇندىز بوران سوعادى.
اتىراۋ وبلىسىندا وڭتۇستىك-باتىستان جەل سوعىپ، كۇندىز ەلدىڭ وڭتۇستىگى مەن سولتۇستىگىندە سەكۋندىنا 15-20 مەتر جىلدامدىقپەن جەل سوعادى.