6-7 اقپاندا "كوكتەم-2025" رەسپۋبليكالىق كوماندالىق-شتابتىق وقۋ-جاتتىعۋدىڭ 1ء-شى كەزەڭى وتەدى.
6 اقپاندا قازاقستاننىڭ 11 وڭىرىندە دابىل قوسىلادى، دەپ حابارلايدى aqshamnews.kz
ءىس-شارانىڭ تاقىرىبى – "سۋ تاسقىنى كەزەڭى جاعدايلارىنداعى توتەنشە جاعدايلاردى جويۋ كەزىندەگى ءىس-قيمىلدارعا ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارىن، كۇشتەرى مەن قۇرالدارىن دايىنداۋ".
وقۋ-جاتتىعۋ شەڭبەرىندە ەكى كۇن بويى الماتى، شىمكەنت قالالارىندا، الماتى، اتىراۋ، اقتوبە، باتىس قازاقستان، جامبىل، قىزىلوردا، ماڭعىستاۋ، تۇركىستان جانە جەتىسۋ وبلىستارىندا پروفيلاكتيكالىق ءىس-شارالار كەشەنى وتكىزىلەدى.
"سونىمەن قاتار "بارشانىڭ نازارىنا!" دابىلى بويىنشا اۋماقتىق دەڭگەيدەگى قۇلاقتاندىرۋ جۇيەسىنىڭ دايىندىعىن تەكسەرۋ ماقساتىندا 2025 جىلعى 6 اقپاندا، ساعات 11.00-دە بارلىق دىبىستىق ەلەكتر دابىلدارى قوسىلاتىن بولادى. وسىعان وراي تىنىشتىق ساقتاۋلارىڭىزدى جانە ۇرەيگە بوي الدىرماۋلارىڭىزدى سۇرايمىز"، – دەلىنگەن حابارلامادا.