جولاۋشىلار SU-95 ءتيپتى ۇشاقپەن تاسىمالدانادى.
بيلەتتەر اۋە كومپانياسىنىڭ رەسمي سايتىندا ساتىلادى، دەپ حابارلايدى Almaty-akshamy.kz
قازاقستاننىڭ ازاماتتىق اۆياسيا كوميتەتى رەسەيدىڭ اۆياسيا بيلىگىمەن بىرلەسىپ، الماتى – ۋفا جاڭا باعىتىن اشۋ ماسەلەسىن پىسىقتادى.
وسىلايشا، رەسەيلىك Red Wings اۋە كومپانياسى بيىل 4 تامىزدان باستاپ الماتى – ۋفا باعىتى بويىنشا ۇشادى. رەيس بەيسەنبى سايىن، اپتاسىنا 1 رەت.
سونداي-اق 4 تامىزدان نۇر-سۇلتان – ۋفا باعىتى بويىنشا تۇراقتى جولاۋشىلار رەيسى اشىلادى. اۋە رەيسى اپتاسىنا ءبىر رەت، بەيسەنبى سايىن ۇشادى.
اۆياسيا كوميتەتى قازاقستان مەن رەسەي اراسىندا جاڭا رەيستەردىڭ اشىلۋى ەكى ەل اراسىنداعى ساۋدا-ەكونوميكالىق، ينۆەستيسيالىق، تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتەتىنىن اتاپ ءوتتى.