سانيتارلىق-ەپيدەميولوگيالىق قىزمەتتىڭ ماماندارى اي سايىن ويىنشىقتاردىڭ قاۋىپسىزدىگىنە مونيتورينگ جۇرگىزەدى.
دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتى قازاقستاندا سىناقتان وتكەن ويىنشىقتاردىڭ 43%-دان استامى قاۋىپسىزدىك تالاپتارىنا ساي ەمەس ەكەنىن ايتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
وسىلايشا، 2022 جىلدىڭ 2 ايىندا رەسپۋبليكا بويىنشا 397 ۇلگى ىرىكتەلىپ، زەرتتەلدى، ونىڭ 173ء-ى تالاپتارعا سايكەس كەلمەدى، بۇل 43،5 پايىزدى قۇرادى. ونىڭ ىشىندە، وتاندىق -1 (0،5 پايىز)، ەاەو-عا مۇشە مەملەكەتتەر - 16 (9،2 پايىز)، باسقا ەلدەر - 156 (90،1 پايىز).
نەگىزىنەن، بۇزۋشىلىقتاردىڭ ىشىندە تاڭبالاۋعا قاتىستى 100 پايىز، ورگانولەپتيكالىق كورسەتكىشتەر بويىنشا 3،4 پايىز، سانيتارلىق-حيميالىق كورسەتكىشتەر بويىنشا 8 پايىز (ويىنشىقتىڭ قۇرامىندا جۇڭگو مەن وزبەكستان رەسپۋبليكاسىندا وندىرىلگەن ويىنشىقتاردا فەنول، فورمالدەگيد، بەنزول، مەتيل ءسپيرتى، گەپتان دەڭگەيىنىڭ ارتۋى انىقتالدى)، – دەلىنگەن حابارلامادا.