بۇيرىق 2022 جىلعى 24 قىركۇيەكتە كۇشىنە ەنەدى.
وقۋعا ءتۇسۋ ءۇشىن قۇجاتتار مەملەكەتتىك كورپوراسيا ارقىلى تاپسىرىلادى، دەپ حابارلايدى Almaty-akshamy.kz
وقۋ-اعارتۋ ءمينيسترىنىڭ 2022 جىلعى 1 قىركۇيەكتەگى بۇيرىعىمەن «بالالارعا قوسىمشا ءبىلىم بەرۋدى قامتاماسىز ەتۋ ءۇشىن قۇجاتتاردى قابىلداۋ جانە ولارعا قوسىمشا ءبىلىم بەرۋ ۇيىمدارىنا وقۋعا قابىلداۋ» مەملەكەتتىك قىزمەت كورسەتۋ قاعيداسىنا وزگەرىس ەنگىزىلدى.
سونىمەن بالالاردى مۋزىكا، ونەر مەكتەپتەرى، كوركەمونەر مەكتەپتەرى مەن كوركەم-ەستەتيكالىق باعىتتاعى مەكتەپتەردى قوسپاعاندا، ولارعا قوسىمشا ءبىلىم بەرۋدى قامتاماسىز ەتۋ ءۇشىن بالالارعا ارنالعان قوسىمشا ءبىلىم بەرۋ ۇيىمدارىنا قابىلداۋ بەلگىلەنگەن تارتىپپەن جۇزەگە اسىرىلادى.
وقۋعا ءتۇسۋ ءۇشىن قۇجاتتار مەملەكەتتىك كورپوراسيا ارقىلى تاپسىرىلادى.
اتاپ ايتقاندا، مىنالاردى ۇسىنۋ كەرەك:
اتا-اناسىنىڭ بىرەۋىنىڭ (نەمەسە باسقا زاڭدى وكىلدەرىنىڭ) ءوتىنىشى؛
بالانىڭ جەكە باسىن كۋالاندىراتىن قۇجات نەمەسە سيفرلىق قۇجاتتاما قىزمەتىنىڭ ەلەكتروندىق قۇجاتى؛
№ 027/ۋ نىسانىنداعى مەديسينالىق انىقتاما؛
مەملەكەتتىك قىزمەتتەردى كورسەتۋ ءۇشىن قاجەت شەكتەۋلى دەربەس دەرەكتەرگە قول جەتكىزۋگە كەلىسىم بەرۋ.
بالالارعا قوسىمشا ءبىلىم بەرۋ ۇيىمىندا قۇجاتتاردى قابىلداۋ قۇجاتتار توپتاماسىن تاپسىرعان ساتتەن باستاپ 30 مينۋت ىشىندە جۇزەگە اسادى.
قۇجاتتار توپتاماسىن تاپسىرۋ ءۇشىن كۇتۋدىڭ رۇقسات ەتىلگەن ەڭ ۇزاق ۋاقىتى – 15 مينۋت، قىزمەت كورسەتۋدىڭ رۇقسات ەتىلگەن ەڭ ۇزاق ۋاقىتى دا سولاي.
بۇل رەتتە بالالاردى مۋزىكا، ونەر مەكتەپتەرiن، كوركەمونەر مەكتەپتەرiن جانە كوركەم-ەستەتيكالىق باعىتتاعى مەكتەپتەردi قوسپاعاندا، بالالارعا ارنالعان قوسىمشا بiلiم بەرۋ ۇيىمدارىنا قابىلداۋ ورىن بولعان جاعدايدا جۇزەگە اساتىنى كورسەتiلەدi.
بالالار مۋزىكا، بالالار ونەر مەكتەپتەرىنە، كوركەمونەر مەكتەپتەرىنە جانە كوركەمدىك-ەستەتيكالىق باعىتتاعى مەكتەپتەرگە قابىلداۋ اڭگىمەلەسۋ ناتيجەسى بويىنشا جۇزەگە اسىرىلادى.
اڭگىمەلەسۋ بارىسىندا پەداگوگ بالالاردىڭ ونەردىڭ ءار ءتۇرى (مۋزىكالىق، بەينەلەۋ، حورەوگرافيالىق، تەاترلىق) سالاسىنداعى قابىلەتتەرىنىڭ دامۋ دەڭگەيىن انىقتايدى.