بۇل تۋرالى اقوردادا وڭتۇستىك كورەيا پرەزيدەنتى يۋن سوك ولمەن كەلىسسوزدەردەن كەيىنگى بىرلەسكەن مالىمدەمە بارىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى
بۇگىن بانكتىك قاداعالاۋ سالاسىنداعى ءوزارا تۇسىنىستىك تۋرالى مەموراندۋمعا قول قويىلدى. جاڭا قۇجات ارقىلى ينۆەستيسيالار قاۋىپسىزدىگىن باقىلاۋدىڭ ءتارتىبى رەتتەلمەك. ەلىمىزدە كورەيلىك Bank Finance Kazakhstan ميكروقارجى ۇيىمى بار. مەن ونى ەكىنشى دەڭگەيدەگى بانككە اينالدىرۋ تۋرالى شەشىمدى قولدايمىن، - دەدى پرەزيدەنت.
سونداي-اق پرەزيدەنت عىلىم جانە ءبىلىم سالاسىنداعى ىنتىماقتاستىقتىڭ دا ۇدايى نىعايىپ كەلە جاتقانىن ايتتى.
كورەيانىڭ جوعارى وقۋ ورىندارىندا 1000-نان استام قازاق جاستارى ءبىلىم الىپ جاتىر. وزدەرىڭىزگە ءمالىم قازاقستان تەحنيكالىق ماماندار دايارالۋ ماسەلەسىنە ەرەكشە كوڭىل بولەدى. بۇعان كورەيالىق ارىپتەستەرىمىز قولداۋ كورسەتىپ وتىر. ەلدەرىمىز عىلىم جانە تەحنولوگيا سالىسىنداعى ىنتىماقتاستىقتى دامىتا تۇسۋگە كەلىستى. وسىعان وراي تۇركىستاندا كورەيانىڭ Woosong ۋنيۆەرسيتەتىنىڭ فيليالىن اشۋ ماسەلەسى پىسىقتالادى. ءبىز مادەني-گۋمانيتارلىق بايلانىستى كۇشەيتۋگە دە باسا نازار اۋداردىق. قازاقستاندا تۇرىپ جاتقان كورەي دياسپوراسىنا ءوز ءتىلىن ساقتاپ، دامىتۋىنا قولداۋ كورسەتىلەدى. وسى ماقساتپەن ەكى ەل اۋماعىندا تۇراقتى تۇردە مادەني شارالار وتكىزۋگە ۋاعدالاستىق. قازاقستان ازاماتتارى كورەياعا 30 كۇنگە دەيىن ۆيزاسىز بارا الادى. استانا-سەۋل باعىتىندا تىكەلەي رەيس اشىلادى. اۋە رەيستەرىنىڭ ۇلعايۋى ەكى ەل اراسىنداعى بايلانىستى نىعايتا تۇسەتىنى ءسوزسىز، - دەدى مەملەكەت باسشىسى قاسىم-جومارت توقايەۆ.