ەلىمىزدەگى جۇمىسسىزدار سانى انىقتالدى

ەڭ كوپ جۇمىسسىزدار سانى الماتى قالاسى (52،5 مىڭ ادام)، تۇركىستان (41،7 مىڭ ادام) جانە الماتى وبلىستارىندا (34،8 مىڭ ادام) بولدى. ەڭ از جۇمىسسىزدار ۇلىتاۋ (4،4 مىڭ ادام)، سولتۇستىك قازاقستان (13،8 مىڭ ادام) جانە اباي (14،8 مىڭ ادام) وبلىستارىندا تىركەلگەن.

جۇمىسسىزداردىڭ باسىم بولىگى 1 ايدان 3 ايعا دەيىن جۇمىس ىزدەپ جۇرگەن. 113،5 مىڭ ادام ءبىر ايدان از، 109،5 مىڭ ادام 3 ايدان 6 ايعا دەيىن، 57،2 مىڭ ادام 6 ايدان 12 ايعا دەيىن، 54،7 مىڭ ادام ءبىر جىلدان استام جۇمىس ىزدەگەن. 732 ادام كاسىپ باستاعان

94،7 مىڭ جۇمىسسىز ءوز ەركىمەن، 88،9 مىڭ ادام وتباسىلىق جاعدايىنا بايلانىستى جۇمىسسىز قالدى. 45،6 مىڭ ادام ءۇي شارۋاسىندا، 43،2 مىڭ ادام ۇيىمنىڭ تاراتىلۋىنا جانە شتاتتىڭ قىسقارتىلۋىنا بايلانىستى قىسقارتىلدى.

زەينەتكەرلىككە شىعۋىنا بايلانىستى 2،6 مىڭ ادام جۇمىسسىز قالدى. ال ءبىر جىل بۇرىن 8،4 مىڭ ادام زەينەتكە شىققان. كۇندىزگى وقۋ نىسانى ەسەبىنەن 1،2 مىڭ ادام جۇمىسسىز قالدى، بۇل 2022 جىلمەن سالىستىرعاندا 63،5% از.

قازاقستانداعى جۇمىسسىزدىق دەڭگەيى – 4،7%. ءبىر جىل بۇرىن 4،9% بولىپتى.

قازاقستاندا جوعارى ءبىلىمدى ماماندار بارىنشا سۇرانىسقا يە بولادى دەگەن بولجام بار. جوعارى ءبىلىمى بار ازاماتتار اراسىندا جۇمىسسىزدىق دەڭگەيى – 3،8%، تەحنيكالىق جانە كاسىپتىك ءبىلىمى بارلار – 3،7%، ورتا كاسىپتىك-ارنايى ءبىلىمى بارلار 5،6%، باستاۋىش كاسىپتىك ءبىلىمى بارلار – 6%، جالپى ورتا ءبىلىمى بارلار – 8،7%، نەگىزگى ورتا بىلىممەن – 18،8%، باستاۋىش بىلىممەن – 17،1%.