ەلىمىزدەگى جاڭا وبلىستارعا كاداسترلىق كودتار بەرىلدى

تىزىمدە 289 كاداسترلىق كود بار.

اۋىل شارۋاشىلىعى ءمينيسترىنىڭ 2022 جىلعى 17 قازانداعى بۇيرىعىمەن جەر ۋچاسكەلەرىنىڭ كاداسترلىق نومىرلەرىن قالىپتاستىرۋ ماقساتىندا وبلىستارعا، رەسپۋبليكالىق ماڭىزى بار قالالارعا، استاناعا، اۋداندارعا بەرىلەتىن كودتاردىڭ تىزبەسىنە وزگەرىستەر ەنگىزىلدى، دەپ حابارلايدى Almaty-akshamy.kz

اتاپ ايتقاندا، تىزىمگە جاڭا وبلىستاردىڭ كودتارى قوسىلدى.

اباي وبلىسىنا 23، جەتىسۋ وبلىسىنا 24، ۇلىتاۋ وبلىسىنا 25 دەگەن ءنومىر بەرىلدى.

قازاقستاندا 2022 جىلعى 8 ماۋسىمدا مەملەكەت باسشىسىنىڭ «قازاقستان رەسپۋبليكاسىنىڭ اكىمشىلىك-اۋماقتىق قۇرىلىمىنىڭ كەيبىر ماسەلەلەرى تۋرالى» جارلىعى كۇشىنە ەندى.

قۇجاتقا سايكەس ءۇش جاڭا وبلىس قۇرىلدى:

شىعىس قازاقستان وبلىسىنىڭ قۇرامىنان اقسۋات، اباي، اياگوز، بەسقاراعاي، بورودۋليحا، جارما، ءۇرجار، كوكپەكتى اۋداندارىن، سەمەي جانە كۋرچاتوۆ قالالارىن ءبولۋ جولىمەن اكىمشىلىك ورتالىعى سەمەي قالاسىندا ورنالاساتىن اباي وبلىسى؛

الماتى وبلىسىنىڭ قۇرامىنان اقسۋ، الاكول، ەسكەلدى، قاراتال، كەربۇلاق، كوكسۋ، پانفيلوۆ، سارقان اۋداندارىن، تالدىقورعان جانە تەكەلى قالالارىن ءبولۋ جولىمەن اكىمشىلىك ورتالىعى تالدىقورعان قالاسىندا ورنالاساتىن جەتىسۋ وبلىسى؛

قاراعاندى وبلىسىنىڭ قۇرامىنان جاڭاارقا، ۇلىتاۋ اۋداندارىن، جەزقازعان، قاراجال جانە ساتبايەۆ قالالارىن ءبولۋ جولىمەن اكىمشىلىك ورتالىعى جەزقازعان قالاسىندا ورنالاساتىن ۇلىتاۋ وبلىسى قۇرىلسىن.