رەسپۋبليكالىق بايقاۋ ەپيدەميولوگيالىق جاعدايعا بايلانىستى ونلاين رەجيمدە ءوتتى
الماتى پەريناتولوگيا جانە بالالار كارديوحيرۋرگياسى ورتالىعىنىڭ قىزمەتكەرى مارجان اتاگەلدييەۆا 2021 جىلدىڭ ەڭ ۇزدىك مەدبيكەسى بولىپ تانىلدى، دەپ حابارلايدى Almaty-akshamy.kz ورتالىقتىڭ باسپا ءسوز قىزمەتىنە سىلتەمە جاساپ.
رەسپۋبليكالىق بايقاۋدىڭ جۇلدەگەرى - مارجان اتاگەلدييەۆا تالعار جوعارى مەديسينالىق كوللەدجىن جانە كاسپيي قوعامدىق ۋنيۆەرسيتەتىن مەدبيكە ماماندىعى بويىنشا ءتامامداعان.
مەديسينا سالاسىندا 19 جىلدىق تاجىريبەسى بار الماتىلىق مەدبيكە مارجاننىڭ پەريناتولوگيا جانە بالالار كارديوحيرۋرگياسى ورتالىعىندا جۇمىس ىستەپ جاتقانىنا بيىل 10 جىل.
«رەسپۋبليكالىق بايقاۋ ەلدەگى ەپيدەميولوگيالىق جاعدايعا بايلانىستى ونلاين رەجيمىندە ءوتتى. مەن جەڭىسكە ارىپتەستەرىمنىڭ ۇلكەن قولداۋىنىڭ ارقاسىندا جەتتىم.ۇجىمىم ماعان كوپ كومەكتەستى. ولار مەنى مورالدىق جاعىنان قولدادى، مۇنداي قولداۋدىڭ بەرەرى كوپ»، – دەيدى مارجان.
مەدبيكەنىڭ ايتۋىنشا، بۇل بايقاۋ مەديسينا سالاسىندا ونىڭ ءارى قاراي دامۋىنا تۇرتكى بولدى.