ءقازىر حوككەيدەن الەم چەمپيوناتى ءوتىپ جاتىر.
قازاقستان قۇراماسى لاتۆيانىڭ ريگا قالاسىندا شايبالى حوككەيدەن ءوتىپ جاتقان الەم چەمپيوناتىنا قاتىسىپ جاتىر، دەپ حابارلايدى Almaty-akshamy.kz.
قازاقستان ەلشىلىگى وتانداستارىمىزبەن بىرلەسىپ، ۇلتتىق قۇراما حوككەيشىلەرىن قولداۋ ماقساتىندا لاتۆيانىڭ يۋرمالا قالاسىندا ەلىمىزدەگى ەڭ ۇلكەن تۋدى جايىپ، فلەشموب وتكىزدى
مۇنداي ءىس-شارا ۇلتتىق قۇرامانى قولداۋ ماقساتىندا ۇيىمداستىرىلدى. سونداي-اق بۇل فلەشموب 2027 جىلعى حوككەيدەن الەم چەمپيوناتىن قازاقستاندا وتكىزۋ ءوتىنىمىن قولداۋ ءۇشىن دە جاسالعان.
ريگاعا ارنايى جەتكىزىلگەن تۋدىڭ جالپى كولەمى 800 شارشى مەتر.
قازاقستاننىڭ لاتۆياداعى ەلشىلىگى ريگا جانە يۋرمالا دۋماسىنىڭ باسشىلىعىنا، 86-شى الەم چەمپيوناتىنىڭ ۇيىمداستىرۋ كوميتەتىنە جانە لاتۆيا حوككەي فەدەراسياسىنا العىس ءبىلدىردى.
بۇگىن قازاقستان قۇراماسى كانادا قۇراماسىنا قارسى ويىن وتكىزەتىنىن ەستەرىڭىزگە سالامىز.