بۇل سۇراققا ق ر قورعانىس ءمينيسترى رۋسلان جاقسىلىقوۆ جاۋاپ بەردى.
ءمينيستردىڭ ايتۋىنشا، زاڭگەرلەر، قارجىگەرلەر، دارىگەرلەر، مۋزىكانتتار جانە باسقالار سياقتى اسكەري-ەسەپتىك ماماندىقتار بار، دەپ حابارلايدى Almaty-akshamy.kz
«جوعارى جانە جوعارى وقۋ ورنىنان كەيىنگى ءبىلىمنىڭ ءبىلىم بەرۋ باعدارلامالارىن iسكە اسىراتىن بiلiم بەرۋ ۇيىمدارىندا وقۋعا زاپاستاعى وفيسەرلەر مەن سەرجانتتار باعدارلاماسى بويىنشا اسكەري-ەسەپتىك ماماندىقتار بويىنشا اسكەري دايارلىققا جىل سايىنعى قابىلداۋ ءۇشىن ازاماتتار سانىن ايقىنداۋ ۆەدومستۆولىق بۇيرىق نەگىزىندە جۇرگىزىلەدى. جۇمىلدىرۋ قاجەتتىلىگىنە ونىڭ ىشىندە زاڭگەرلەر، قارجىگەرلەر، دارىگەرلەر، مۋزىكانتتار جانە باسقالار سياقتى اسكەري-ەسەپتىك ماماندىقتار كىرەدى»، - دەپ جاۋاپ بەردى رۋسلان جاقسىلىقوۆ دەپۋتاتتىق ساۋالعا.
ءمينيستردىڭ ايتۋىنشا، ججوكبۇ-دا زاپاستاعى وفيسەرلەر مەن سەرجانتتاردى دايارلاۋ جۇيەسى قازىرگى زامانعى دامۋ كەزەڭىندە قارۋلى كۇشتەردىڭ، باسقا دا اسكەرلەردىڭ، اسكەري قۇرالىمداردىڭ ناقتى جۇمىلدىرۋ قاجەتتىلىگىنە جاۋاپ بەرەدى.
سونىمەن قاتار كەلەسى مىندەتتەردى شەشۋگە مۇمكىندىك بەرەدى:
- قارۋلى كۇشتەردى ستراتەگيالىق ورىستەتۋ ءۇشىن قاجەتتى اسكەري وقىتىلعان رەزەرۆتىڭ جەتكىلىكتى سانىن دايارلاۋدى جانە جيناقتاۋدى جۇزەگە اسىرۋعا؛
- اناعۇرلىم قاجەتتى اسكەري ماماندىقتار بويىنشا مامانداردى دايارلاۋدا مۇمكىندىكتەردى كەڭەيتۋگە؛
- وفيسەرلەر مەن سەرجانتتار قۇرامىنىڭ اسكەري وقىتىلعان رەزەرۆىن قاجەتتى كولەمدە قامتاماسىز ەتۋگە جانە قولداۋعا؛
- ق ر قارۋلى كۇشتەرى، باسقا دا اسكەرلەرى مەن اسكەري قۇرالىمدارى وفيسەرلەر قۇرامىنىڭ العاشقى لاۋازىمدارىن قوسىمشا جاساقتاۋ ءۇشىن رەزەرۆتى دايارلاۋدى جەتىلدىرۋگە؛
- ولاردىڭ وڭىرلىك ورنالاسۋىن ەسكەرە وتىرىپ، اسكەري كافەدرالاردىڭ بار الەۋەتىن ءتيىمدى پايدالانۋ بەيبىت جانە سوعىس ۋاقىتىندا جاساقتاۋ ماسەلەلەرىن عانا ەمەس، اسكەري-پاتريوتتىق تاربيەلەۋ جانە جاستارعا تەرىس اقپاراتتىق ىقپال ەتۋگە قارسى ءىس-قيمىل ماسەلەلەرىن دە شەشۋگە مۇمكىندىك بەرەدى.