ەلىمىزدەگى العاشقى اتوم ەلەكتر ستانسياسى قالاي اتالاتىنى بەلگىلى بولدى

قازاقستانداعى العاشقى اتوم ەلەكتر ستانسياسىنا «بالقاش» اتاۋى بەرىلدى، دەپ حابارلايدى Aqshamnews.kz ءتىلشىسى.

اتومدىق ەنەرگيا جونىندەگى اگەنتتىكتىڭ مالىمەتىنشە، ەلدە وتكەن العاشقى اەس-كە ات قويۋعا ارنالعان جالپىۇلتتىق كونكۋرس ءوز مارەسىنە جەتتى. قورىتىندى شەشىم كونكۋرستىق كوميسسيانىڭ فينالدىق وتىرىسىندا قابىلدانعان.

بايقاۋ ناتيجەسى بويىنشا «بالقاش» اتاۋى جەڭىمپاز دەپ تانىلىپ، بۇل نۇسقا قازاقستاندىقتاردان ەڭ كوپ ۇسىنىس جيناعان. اگەنتتىك اتاۋدىڭ گەوگرافيالىق ورنالاسۋعا نەگىزدەلگەنى حالىقارالىق تاجىريبەگە ساي كەلەتىنىن اتاپ ءوتتى.

كونكۋرسقا قاتىسۋ بەلسەندىلىگى

• بارلىعى 27 157 قازاقستاندىق ۇسىنىس جولداعان؛

• ولاردىڭ ىشىندە 10 460 بىرەگەي اتاۋ تىركەلگەن؛

• قورىتىندى تالقىلاۋدا 100 ەڭ تانىمال نۇسقا قارالعان؛

• «بالقاش» اتاۋىن 882 ادام ۇسىنعان - بۇل ەڭ جوعارى كورسەتكىش.

اەس اتاۋى ءۇش تىلدە بەكىتىلدى

• قازاقشا: «بالقاش» اتوم ەلەكتر ستانسياسى

• ورىسشا: اتومنايا ەلەكتروستانسيا «بالحاش»

• اعىلشىنشا: Balkhash Nuclear Power Plant

كونكۋرستىڭ باستالۋى

العاشقى اەس-كە اتاۋ بەرۋ تۋرالى باستامانى پرەزيدەنت قاسىم-جومارت توقايەۆ تامىز ايىندا كوتەرگەن ەدى. كەيىن اتومدىق ەنەرگيا اگەنتتىگى ۇسىنىستار قابىلداۋعا دايىن ەكەنىن مالىمدەدى. قىركۇيەك ايىندا اگەنتتىك باسشىسى الماسادام ساتقالييەۆ ءتيىستى كونكۋرستىق كوميسسيا قۇرۋ تۋرالى بۇيرىققا قول قويدى. قازان ايىندا جالپىۇلتتىق كونكۋرس رەسمي تۇردە اياقتالدى.

اگەنتتىك كونكۋرس جەڭىمپازدارى ءۇشىن ارنايى سىيلىقتىڭ دا قاراستىرىلعانىن حابارلاعان بولاتىن.