وندا وتاندىق مۋلتفيلمدەر مەن بالالارعا ارنالعان كونتەنت جۇكتەلگەن.
اقپارات جانە قوعامدىق دامۋ ءمينيسترى اسقار وماروۆتىڭ ايتۋىنشا، بولاشاقتا شەتەلدىك انيماسيالاردى دا پلاتفورماعا ەنگىزۋ جوسپارلانىپ وتىر. مينيستر بۇگىندە قازاقستاندىق انيماسياعا سۇرانىس ارتقانىن تىلگە تيەك ەتتى، دەپ حابارلايدى Almaty-akshamy.kz 24.kz-كە سىلتەمە جاساپ.
قوسىمشانى Android پەن IOS قۇرىلعىلارىنا جۇكتەپ الۋعا بولادى.
«قازىرگى كەزدە وزىنشە ستريمينگ سەرۆيسىنە 3 مىڭ 400 مينۋتتاي كونتەنت جۇكتەلگەن. بۇل كونتەنت ءارى قاراي ۇلكەيەدى. بىزدە 10 جىلدىڭ ىشىندە قازاقستاندا وتاندىق انيماسيا مەكتەبى قۇرىلدى. انيماسيا قازىرگى كەزدە قازاقستاندا كوپ. بىزبەن شەكارالاس ەلدەردە انيماسيانى ساتىپ الىپ جاتىر. ءقازىر ءبىزدىڭ انيماسيا بويىنشا ماماندار قىتايمەن، رەسەي، تۇركيامەن جۇمىس ىستەپ جاتىر»، - دەدى ق ر اقپارات جانە قوعامدىق دامۋ ءمينيسترى اسقار وماروۆ.
«جالپى، قازىرگى قازاق انيماسياسىنىڭ، قازاق مۋلتيپليكاسياسىنىڭ دامۋ ءۇردىسى تۇركى الەمىنىڭ ىشىندە ءبىرشاما جوعارى ەكەنى ءمالىم. اۋديتورياسى تەك قانا قازاقستاننىڭ شەڭبەرىندە عانا ەمەس. وسى باۋىرلاس ەلدەرگە كەڭىنەن تارايدى دەگەن ويدامىز»، - دەدى حالىقارالىق تۇركى اكادەمياسىنىڭ پرەزيدەنتى دارحان ءقىدىرالى.
.