بۇل تۋرالى كريمينالدىق پوليسيا دەپارتامەنتى كيبەرقىلمىسقا قارسى كۇرەس ورتالىعىنىڭ باستىعى جاندوس ءسۇيىنباي مالىمدەدى.
قازاقستاندىقتار ءۇش ايدا 3 ميلليارد تەڭگەگە الداندى، دەپ حابارلايدى Almaty-akshamy.kz
"الاياقتىق جاساۋدىڭ ەڭ كوپ تاراعان ءتاسىلى – ونلاين ساۋدا، ول بەلگىلى ساۋدا الاڭدارىنىڭ سايتتارىندا، سونداي-اق الەۋمەتتىك جەلىلەر مەن مەسسەندجەرلەردە جارنامالاردى ورنالاستىرۋ ارقىلى جۇزەگە اسىرىلادى. الاياقتار تاۋارعا نەمەسە قىزمەتكە تومەن باعا كورسەتىپ، الدىن الا تولەمدى نەمەسە تولىق تولەمدى سۇرايدى. بيىل وسىنداي 2 مىڭنان اسا قىلمىس تىركەلدى"، - دەدى ءسۇيىنباي بۇگىنگى ونلاين بريفينگتە.
الاياقتاردىڭ قۇربانى بولماۋ ءۇشىن بىرنەشە قاراپايىم ساقتىق شاراسىن ۇمىتپاۋ كەرەك. ولار:
تەكسەرىلگەن جارناما سايتتارىن پايدالانۋ؛
تاۋاردى العاننان كەيىن تولەم جاساۋ؛
تاۋاردىڭ بار ەكەنىنە كوز جەتكىزۋ.
ال ساتۋشى باسقا قالادا بولسا، تاۋاردى تانىستار نەمەسە تۋىستار ارقىلى جىبەرۋدى سۇراۋعا بولادى.