ەلىمىزدە ۇلتتىق گەولوگيالىق قىزمەت قۇرىلادى

«قازگەواقپارات» جانە «قازگەولوگيا» مەكەمەلەرىن بىرىكتىرۋ ارقىلى ۇلتتىق گەولوگيالىق قىزمەت قۇرىلادى.

بۇل جايىندا «قازگەواقپارات» رەسپۋبليكالىق گەولوگيالىق اقپارات ورتالىعى» ج ش س باس ديرەكتورى جانات كارىبايەۆ ايتتى، دەپ حابارلايدى Almaty-akshamy.kz 

«بۇگىندە جارعىلىق كاپيتالىنا 100 پايىز مەملەكەت يەلىك ەتكەن «قازگەواقپارات» رەسپۋبليكالىق گەولوگيالىق اقپارات ورتالىعى» ءجشس-نى «ق ر ۇلتتىق گەولوگيالىق قىزمەتى» اكسيونەرلىك قوعامى ەتىپ قايتا قۇرۋدى ۇيىمداستىرۋ جۇمىستارى ءجۇرىپ جاتىر. كەلەسى كەزەڭدە وعان «قازگەولوگيا» ۇلتتىق گەولوگيالىق بارلاۋ كومپانياسى» اق-نى قوسۋ جوسپارلانعان»، - دەدى ول ورتالىق كوممۋنيكاسيالار قىزمەتىندە وتكەن بريفينگتە.

ونىڭ سوزىنشە، «قازگەواقپارات» رگاو» ج ش س مەن «قازگەولوگيا» اق-نى بىرىكتىرۋ شەشىمى ۇلىبريتانيا، كانادا، فينليانديا سياقتى ەلدەردىڭ گەولوگياداعى تاجىريبەسىن ەسكەرە وتىرىپ قابىلدانعان.

سونداي-اق جانات كارىبايەۆ ۇلتتىق گەولوگيا قىزمەتىنىڭ نەگىزگى جۇمىس باعىتتارىن اتادى. ولار: - جەر قويناۋىن ۇتىمدى پايدالانۋ جانە مينەرالدىق-شيكىزات بازاسىن مولايتۋ سالاسىنداعى مەملەكەتتىك ساياساتتى ىسكە اسىرۋ؛

- جەر قويناۋىنا گەولوگيالىق زەرتتەۋ جۇرگىزۋدى عىلىمي نەگىزدەۋ ماقساتىندا ەلدىڭ بەيىندىك جوعارى وقۋ ورىندارىمەن ءوزارا ءىس-قيمىل جاساۋ؛

- پايدالى قازبالاردىڭ قيىن الىناتىن قورلارىن يگەرۋ ءۇشىن وزىق تەحنولوگيالاردى قولدانۋ، سيفرلاندىرۋ، گەواقپاراتتىق جۇيەلەر جانە ءىرى تابىستى كومپانيالارمەن تاجىريبە الماسۋ؛

- گەولوگيا سالاسىنداعى باعدارلامالار مەن ستراتەگيالاردى قالىپتاستىرۋ؛

- سەرۆيستىك قىزمەتتەر؛

- باستاپقى گەولوگيالىق اقپاراتتىڭ ساقتالۋىن قامتاماسىز ەتەتىن كەرن قويماسىن قالىپتاستىرۋ؛

- حالىقارالىق اككرەديتاسياسى بار زەرتحانالار اشۋ؛

- گەولوگيالىق اقپاراتتى جيناۋ، ساقتاۋ، وڭدەۋ، جۇيەلەۋ جانە ۇسىنۋ ءۇشىن قوردا ساقتاۋ؛

- ينۆەستيسيالىق جوبالاردى ازىرلەپ، ومىرگە ەنگىزۋ؛

- مەملەكەتتىك مونيتورينگ؛

- «Kaznedra» ءبىرىڭعاي پلاتفورماسىندا بارلىق بيزنەس-پروسەستەردى اۆتوماتتاندىرۋ.