ەلىمىزدە تۇڭعىش رەت «ۇلتتىق كىتاپ» بايقاۋى وتەدى

بايقاۋدىڭ نەگىزگى ماقساتى – كىتاپ وقۋ مادەنيەتىن قالىپتاستىرۋ.

جۇمىستار كەلەسى جىلدىڭ 15 قاڭتار-1 ءساۋىر ارالىعىندا قابىلدانادى، دەپ حابارلايدى aqshamnews.kz

ۇلتتىق كىتاپ كۇنى مەرەكەسىنە وراي «ۇلتتىق كىتاپ» بايقاۋى جاريالاندى.

مادەنيەت جانە اقپارات مينيسترلىگىنىڭ اقپاراتىنا سايكەس، بايقاۋدىڭ نەگىزگى ماقساتى – كىتاپ وقۋ مادەنيەتىن قالىپتاستىرۋ، ۇزدىك اۆتورلاردى انىقتاپ، قازاق ادەبيەتىنىڭ، رۋحانياتىنىڭ دامۋىنا ىقپال ەتۋ، سونداي-اق اۋدارماشىلاردى، باسپاگەرلەر مەن كىتاپ ديزاينەرلەرىن قولداۋ جانە ىنتالاندىرۋ.

بايقاۋعا ۇسىنىلاتىن جۇمىستار 2025 جىلعى 15 قاڭتار-1 ءساۋىر ارالىعىندا قابىلدانادى.

كونكۋرسقا كەيىنگى ەكى جىلدا جارىق كورگەن تۋىندىلار قابىلدانادى. قابىلداۋ مەرزىمى اياقتالعاننان كەيىن تۇسكەن جۇمىستار تىركەلمەيدى.

بايقاۋ كەلەسى 10 نوميناسيا بويىنشا وتەدى:

بالالارعا ارنالعان ۇزدىك كىتاپ؛

ۇزدىك كوميكس؛

نون فيكشن باعىتىنداعى ۇزدىك كىتاپ؛

دەتەكتيۆ جانرىنداعى ۇزدىك كىتاپ؛

ساتيرا جانرىنداعى ۇزدىك كىتاپ؛

ۇزدىك يليۋستراسيالىق كىتاپ؛

ۇزدىك اۋدارما كىتابى؛

فانتاستيكا جانرىنداعى ۇزدىك كىتاپ؛

ۇزدىك باسپا؛

«جىل كىتابى» گران-پري سىيلىعى.

«بايقاۋعا قاتىساتىن جۇمىستاردىڭ كوركەمدىك دەڭگەيى، ءتىل تازالىعى، سوزدىك قورى، وزىندىك ءستيلدىڭ بولۋى، تاقىرىپ وزەكتىلىگى، مازمۇن تەرەڭدىگى، تاريحي ادىلدىگى، وندىرىستىك ساپانىڭ جوعارى بولۋى، ديزاينەرلىك جۇمىستىڭ جوعارى بولۋى سياقتى كريتەرييلەرگە سايكەس كەلۋى كەرەك»، -دەلىنگەن مينيسترلىك حابارلاماسىندا.