بۇگىنگى تاڭدا اۋىل شارۋاشىلىعىندا قولدانىلاتىن توپىراقتىڭ 75%-دان استامى توزا باستاعان.
توپىراق قۇنارىن ارتتىرۋ امالىن فەرمەرلەر عانا ەمەس، قازاقستاندىق عالىمدار دا قولعا العان. Amanzholov University عىلىمي قىزمەتكەرى قىدىرموللا اقاتان اگروونەركاسىپتىك كەشەندى تۇراقتى دامىتۋ ماقساتىندا توپىراقتىڭ ىلعالى مەن قۇنارىن ارتتىرۋ ءۇشىن سەلليۋلوزا نەگىزىندە مۋلتيكومپوزيتتىك بيوگيدروگەل ازىرلەپ جاتىر، دەپ حابارلايدى aqshamnews.kz.
جوبا عىلىم جانە جوعارى ءبىلىم مينيسترلىگى عىلىم كوميتەتىنىڭ 2024-2026 جىلدارعا ارنالعان عىلىمي جوبالار گرانت قارجىلاندىرۋىنا ارنالعان بايقاۋىندا جەڭىمپاز اتاندى. بۇگىنگى تاڭدا اۋىل شارۋاشىلىعىندا قولدانىلاتىن توپىراقتىڭ 75%-دان استامى توزا باستاعان. قالعان 25%-ى تاۋەكەل ايماعىندا. مۇنىڭ ءبارى ونىمدىلىكتىڭ تومەندەۋىنە جانە ۇلكەن قارجىلىق شىعىندارعا اكەلەدى. قىدىرموللا اقاتاننىڭ ايتۋىنشا، بيوگيدروگەلگە تەك وتاندىق شيكىزات پايدالانىلعاندىقتان باسقا تۇرلەرىنە قاراعاندا 1،5 ەسە ارزان بولادى. تاعى ءبىر ارتىقشىلىعى — پايدالانۋدىڭ امبەباپتىعى. گەل داقىلدىڭ بارلىق تۇرىنە جارامدى. بۇل ءتيىمدى قۇرالدى ەگىس الدىنداعى توپىراقتى وڭدەۋ كەزىندە قولدانۋ قاجەت. — بيوگيدروگەل جاساۋ ءۇشىن ءبىز اۋىلشارۋاشىلىق داقىلداردىڭ قالدىقتارىن قولدانامىز. بۇل ەكولوگيا مەن ەكونوميكا تۇرعىسىنان دا ءتيىمدى. قۇرالعا تىڭايتقىش، پايدالى قاسيەتتەر ءسىڭىرۋ ءۇشىن جەرگىلىكتى اگرومينەرالداردى يمموبيليزاسيالاۋ جۇرگىزىلەدى. ناتيجەسىندە ءبىز وسىمدىكتەردى ءتيىمدى سورباسيالايتىن، ىلعالدى ساقتايتىن، ىستىققا سەزىمتال جانە وسۋگە ىقپال ەتەتىن پرەپارات الا الامىز، — دەيدى عالىم. ءقازىر جوبا بويىنشا جۇمىس زەرتحانالىق جاعدايدا جۇزەگە اسىرىلۋدا. قىدىرموللا اقاتان وتاندىق ەگىن سالاسىنداعى ءونىمدى 20-25%-عا دەيىن ارتتىرۋعا سەپ بولاتىن جۇمىسىن ءساتتى اياقتاۋعا ۋادە بەردى. سونداي-اق گيدروگەل ءوندىرۋدى ونەركاسىپتىك كولەمدە جوسپارلاپ وتىر.
ەسكەرتۋ!
ERNUR.KZ پورتالىندا جاريالانعان اۆتورلىق ماتەريالداردىڭ بارلىق قۇقىقتارى قورعالعان جانە اقپاراتتىق پورتالدىڭ مەنشىگى بولىپ تابىلادى. كوشىرىپ باسۋ رەداكسيانىڭ رۇقساتىمەن جۇزەگە اسادى. ماتەريالدى كوشىرىپ باسۋ كەزىندە نەگىزگى ءماتىننىڭ ءبىرىنشى نەمەسە ەكىنشى سويلەمىندە ERNUR.KZ سايتىنا گيپەرسىلتەمە كورسەتۋ تالاپ ەتىلەدى.