قاڭتار-ماۋسىم ارالىعىندا 36،3 ملن ليتر جەمىس پەن كوكونىس شىرىندارى ءوندىرىلدى.
بۇل وتكەن جىلدىڭ ۇقساس كەزەڭىمەن سالىستىرعاندا 1،4 پايىزعا ارتىق، دەپ حابارلايدى Almaty-akshamy.kz.
Energyprom.kz مالىمەتىنشە، ءوندىرىستىڭ 34،4 ملن ءليترى جەمىس شىرىندارىنىڭ ۇلەسىنە ءتيدى. ونىڭ ىشىندە اپەلسين شىرىنى – 14،2 ملن ليتر، الما شىرىنى – 7،3 ملن ليتر، اناناس شىرىنى – 985 مىڭ ليتر. بۇدان بولەك 1،8 ملن ليتردەن استام كوكونىس شىرىنى شىعارىلدى.
وسى جىلعى ماۋسىم ايىنىڭ قورىتىندىسى بويىنشا جەمىس پەن كوكونىس شىرىندارىنىڭ باعاسى ءبىر جىلدا 22،7%-عا ءوستى. جەمىس شىرىندارى 22،6%-عا، كوكونىس شىرىندارى 23،9%-عا قىمباتتاعان.
رەسپۋبليكا بويىنشا تابيعي شىرىن باعاسى اقمولا وبلىسىندا ايتارلىقتاي وسكەن. انتيليدەرلەر قاتارىندا باتىس قازاقستان، قىزىلوردا جانە جەتىسۋ وبلىستارى بار.
سەكتوردا ەڭ از قىمباتتاۋ پاۆلودار جانە قاراعاندى وبلىستارىندا تىركەلدى. ماۋسىم ايىندا تابيعي شىرىن باعاسى 1،8%-عا ارتتى.