مينيسترلىك 23-35 جاس ارالىعىنداعى جۇمىسسىز جاستار اراسىنان 12 مىڭنان استام قازاقستاندىققا SMS جولدادى.
ەڭبەك جانە حالىقتى الەۋمەتتىك قورعاۋ مينيسترلىگىنەن حالىقتى جۇمىسپەن قامتۋدى قامتاماسىز ەتۋ سالاسىنداعى قولداۋ شارالارى تۋرالى اقپاراتى بار SMS-حابارلامالاردى العاننان كەيىن 5 مىڭعا جۋىق قازاقستاندىق Enbek.kz سايتىنا كىرىپ، بىرنەشە ءجۇز ادام سall-ورتالىققا قوڭىراۋ شالعان، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
ءقازىردىڭ وزىندە 173 ادام جۇمىسقا ورنالاستىرىلدى: 50 – تۇراقتى جۇمىس ورىندارىنا، 123 – ۋاقىتشا جۇمىس ورىندارىنا ورنالاسىپ، 73ء-ى كاسىپكەرلىك نەگىزدەرىنە وقىتۋدى باستادى.
SMS-حابارلاما العاننان كەيىن بەلسەندىلىك تانىتپاعان ازاماتتارمەن جۇمىسپەن قامتۋ ورتالىقتارىنىڭ قىزمەتكەرلەرى قوسىمشا بايلانىسىپ، جۇمىسقا ورنالاستىرۋ، وقىتۋ، ت.ب. بويىنشا قاجەتتى قىزمەتتەردى الۋدى ۇسىنۋدا.
«جالپى مەملەكەتتىك قولداۋدىڭ بارلىق شارالارى تۋرالى اقپاراتتى Enbek.kz پورتالى، حالىقتى جۇمىسپەن قامتۋ ورتالىعى نەمەسە 1414 ءبىرىڭعاي بايلانىس ورتالىعى ارقىلى الۋعا بولادى»، - دەپ حابارلادى ەحاقم حالىقتى جۇمىسپەن قامتۋ دەپارتامەنتىنىڭ ديرەكتورى اسقار نيازوۆ.
بۇعان دەيىن حابارلانعانداي، وسى جىلدىڭ 13 اقپانىندا مينيسترلىك 23-35 جاس ارالىعىنداعى جۇمىسسىز جاستار اراسىنان 12 مىڭنان استام قازاقستاندىققا جۇمىس ىزدەۋ، تەگىن وقۋدان ءوتۋ جانە جۇمىسپەن قامتۋ سالاسىنداعى باسقا دا مەملەكەتتىك قولداۋ شارالارى تۋرالى اقپاراتى بار SMS-حابارلامالار جولدادى.