12 قاڭتاردان باستاپ قازاقستاندا شەتەلدىك كولىكتەردى ساقتاندىرۋعا تىيىم سالىنادى.
مۇنداي كولىكتەردىڭ ساقتاندىرۋ پوليستەرىن باسقا مەملەكەتتەردىڭ ازاماتتارى عانا رەسىمدەي الادى، دەپ حابارلايدى Almaty-akshamy.kz
ەرتەڭنەن باستاپ مىندەتتى ساقتاندىرۋ جانە جول قوزعالىسى زاڭدارىنا ەنگىزىلگەن وزگەرىستەر كۇشىنە ەنەدى. جاڭا وزگەرىستەرگە سايكەس، قازاقستان اۋماعىنداعى حالىقارالىق قوزعالىستا جۇرمەگەن كولىكتەرگە ساقتاندىرۋ ءپوليسىن راسىمدەۋگە تىيىم سالىنعان.
بۇل رەتتە 2023 جىلدىڭ 12 قاڭتارىنا دەيىن رەسىمدەلگەن ساقتاندىرۋ پوليستەرى مەرزىم اياقتالعانعا دەيىن جارامدى بولادى. ودان كەيىن قازاقستان ازاماتتارى شەتەلدىك كولىكتى ساقتاندىرا المايدى. ونداي كولىكتەردى ساقتاندىرۋ ءپوليسى نەگىزىندە ساتۋعا دا تايىم سالىنادى. ال ترانزيتتىك ءنومىر العان كولىكتەردى بۇرىنعىداي 10 كۇنگە ساقتاندىرۋعا رۇقسات بەرىلەدى.
ايتا كەتسەك، «جول قوزعالىسى تۋرالى» زاڭدا حالىقارالىق قوزعالىستا جۇرەتىن كولىكتىڭ ناقتى انىقتاماسى كورسەتىلگەن. ونىڭ يەسى شەتەل ازاماتى، ياعني، قازاقستان ازاماتتىعى مەن تۇرۋعا ىقتيارحاتى جوق ادام بولۋى شارت.