قازاقستاندا بايلىق سالىعى ەنگىزىلۋى مۇمكىن.
بۇل تۋرالى قاسىم-جومارت توقايەۆ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىندا ايتتى، دەپ حابارلايدى Almaty-akshamy.kz.
«سالىق رەفورماسى اياسىندا «ءسان-سالتاناتقا» سالىق سالۋدى ەنگىزگەن ءجون. مۇنىڭ ورتا تاپقا قاتىسى جوق، بۇل سالىق تەك اسا قىمبات جىلجىمايتىن مۇلىك جانە اۆتوكولىك ساتىپ العان كەزدە سالىنادى»، - دەپ ءمالىم ەتتى.
ايتا كەتەيىك، ەلىمىزدە 2023 جىلى جاڭا سالىق كودەكسى ازىرلەنەدى. وندا ونىڭ ەڭ تۇيتكىلدى تۇسى سانالاتىن سالىقتىق اكىمشىلەندىرۋ ماسەلەسى تۇگەل قايتا جازىلادى. ءبىز ءوز كەزەگىمىزدە بۇل ماسەلەگە قاتىستى حالىق پىكىرىن ەستىپ قايتتىق. پىكىرلەر سان ءتۇرلى.
«جاقسى ءومىر سۇرگىڭ كەلسە، تولەۋىڭ كەرەك. قولدايمىز، ارينە. ءبىز سول سالىق ارقىلى مەديسينا، مەكتەپ، باسقا دا بيۋدجەتتىك سالالاردا جۇمىس ىستەيتىن، ءتىپتى تۇرمەدە وتىرعانداردىڭ دا اقشاسىن سول سالىقتان تولەيدى. حالىقتىڭ سالىعىنان تولەنەتىن نارسەلەر عوي. ارينە، قولدايمىز، اقشا ۇكىمەتكە تۇسسە، پايداسى بولادى عوي بىزگە دە».
«كاسىپكەرلەر بار، باي كاسىپكەرلەر. ولاردان سالىق العان دۇرىس دەپ ەسەپتەيمىن. ويتكەنى ول سالىق ءبىزدىڭ بيۋدجەتكە تۇسەدى. سوندىقتان بيۋدجەتىمىز باي بولسا، حالىقىمىز دا باي بولادى، ەلىمىز دە باي بولادى».
«ەگەر شىنىمەن جۇزەگە اسىرىلاتىن بولسا، وتە جاقسى باستاما. بۇل ازاماتتار اراسىندا ۇزاق ۋاقىتتان بەرى ايتىلىپ كەلەتىن ماسەلە. ەڭ باستىسى، ايتىلعانداي ىسكە اسىرىلسا دەيمىز. الايدا، شىنى كەرەك، مەنىڭ سەنىمىم ازداۋ»، - دەگەنگە سايادى پىكىرلەر.