ەلىمىزدە قىمىزبەن ەمدەۋ ورتالىقتارى اشىلۋدا

قىمىز يممۋنيتەتتى نىعايتادى

پاندەميادان كەيىنگى كەزەڭدە ساۋىقتىرۋ تۋريزمىنە سۇرانىس جوعارى. تۇركىستان وبلىسىنىڭ شارۋالارى قىمىزبەن ەمدەۋ ورتالىقتارىن اشۋدى قولعا العان، دەپ حابارلايدى Almaty-akshamy.kz.

بۇگىندە ديحانكول ەلدى مەكەنى ساپالى ەمدىك سۋسىنىمەن تانىمال. تۋريستەر مۇنداعى قىمىز ءوندىرۋدىڭ وزىندىك قۇپيالارى بار ەكەنىنە سەنىمدى. فەرمەرلەردىڭ وزدەرى ۇلتتىق سۋسىننىڭ ارتىقشىلىعىن جىلقىنىڭ تاۋ ەتەگىندەگى ەمدىك شوپكە جايىلۋىمەن بايلانىستىرادى. كۇن سايىن جەرگىلىكتى تۇرعىندار 3 000 تونناعا دەيىن قىمىز ساتادى.

«ەلىمىزدە مۇنداي ۇلكەن كولەمدە قىمىز وندىرىسىمەن اينالىساتىن اۋىلدار كەمدە-كەم. اۋىلىمىزدىڭ 80% وسى قىمىز وندىرىسىمەن اينالىسادى دەسەم، قاتەلەسپەيتىن شىعارمىن. حالىق تابيعي ونىمدەرمەن ەمدەلۋگە دەن قويۋدا. اۋىلدىڭ كاسىپ جاسايمىن دەگەن ازاماتتارى ءۇي ىرگەسىنەن وسىنداي ساۋمالمەن ساۋىقتىرۋ ورتالىقتارىن اشىپ جاتىر»، - دەيدى تولە بي اۋدانىنىڭ قوعالى اۋىلدىق وكرۋگىنىڭ اكىمى قايرات قىپشاقوۆ. 

بۇگىندە جاڭا ساۋىلعان بيە ءسۇتى، ساۋمال ساۋداسى قىزىپ تۇر. ونى ساۋعاننان كەيىن بىردەن ۇستەلگە قويادى. ساۋمالدىڭ ەمدىك قاسيەتى تۋرالى ءتۇرلى اڭىزدار بار. ءبىراق دارىگەرلەر ۇلتتىق سۋسىندار ساۋمال مەن قىمىزدى بارلىق اۋرۋعا قارسى ەم رەتىندە ەمەس، يممۋنيتەتتى كوتەرۋ ءۇشىن قولدانۋعا كەڭەس بەرەدى.

«نەگىزگى ەم رەتىندە قولدانا المايمىز. سەبەبى اۋرۋ اسقىنىپ تۇرعان كەزدە مەديسينالىق مەكەمەگە جۇگىنۋ كەرەك بولادى. ال ساۋمال تەك ءارى قاراي يمۋنيتەتتى نىعايتۋ، قوسىمشا كۇش-قۋات الۋ ءۇشىن قاجەت»، - دەيدى دارىگەر-كارديولوگ جانار قانتايەۆا. 

ايتا كەتۋ كەرەك، وڭىردە قىمىزبەن ەمدەۋدەن باسقا ەكوتۋريزمدى دامىتۋعا ءمان بەرىلمەك. ول ءۇشىن ارنايى تۋريستىك جورىقتار ۇيىمداستىرۋ جوسپارلانعان.