ەلىمىزدە قۇرىلىس جۇرگىزۋدىڭ جاڭا شارتى ەنگىزىلدى

ونەركاسىپ جانە قۇرىلىس مينيسترلىگىنىڭ مالىمدەۋىنشە، قازاقستاندا قۇرىلىس سالۋدى ۇيىمداستىرۋ جانە رۇقسات بەرۋ راسىمدەرىنەن ءوتۋ قاعيداسىنا وزگەرىس ەنگىزىلدى، دەپ حابارلايدى Almaty-akshamy.kz.

ۆەدومستۆونىڭ مالىمەتىنشە، بۇل وزگەرىس مەملەكەت باسشىسىنىڭ قۇرىلىستى ۇيىمداستىرۋعا قاتىستى تاپسىرماسىن ورىنداۋ ماقساتىندا ازىرلەنگەن. 

«ەندى سالىنعان وبەكتىلەردى (كەشەندەردى) پايدالانۋعا قابىلداۋ وبەكتىنىڭ قۇرىلىسىنا بولىنگەن اۋماقتى اباتتاندىرۋ جانە كوگالداندىرۋ جونىندەگى جۇمىستار ورىندالعاننان كەيىن ىسكە اسىرىلادى»، – دەلىنگەن مينيسترلىك تاراتقان حابارلامادا. 

مامانداردىڭ پايىمداۋىنشا، كوگالداندىرۋ قورشاعان ورتانىڭ ەكولوگيالىق جاعدايىن جانە اۋماقتى اباتتاندىرۋدى، ۋچاسكەنىڭ سىرتقى ءتۇرىن جاقسارتادى، تۇرعىنداردىڭ ەموسيونالدى جاعدايىنا پايدالى اسەر ەتەدى، سونىمەن قاتار ەستەتيكالىق قۇندىلىققا يە. 

«وبەكتىلەردى پايدالانۋعا بەرۋدىڭ ولشەمشارتتارىنىڭ ءبىرىن بەلگىلەۋ وبەكتىنى سالۋعا بولىنگەن اۋماقتى كوگالداندىرۋدىڭ بولۋى ءۇيدىڭ بارلىق تۇرعىندارىنىڭ جايلىلىق دەڭگەيىن ەداۋىر ارتتىرۋعا، جەل مەن شاڭدى ۇستاپ، اتموسفەراداعى وتتەگىنىڭ قۇرامىن ارتتىرۋعا، شۋ جانە شاڭدى جولدار مەن وندىرىستەردەن ءۇي ماڭىنداعى كەڭىستىكتى بولۋگە، اۋلانىڭ كەلبەتىن ەداۋىر جاقسارتۋعا مۇمكىندىك بەرەدى»، – دەيدى مينيسترلىك وكىلدەرى. 

ايتا كەتەيىك، وسى قاعيداعا سايكەس سالىنعان وبەكتىلەردى قابىلداۋ قازاقستان رەسپۋبليكاسىنىڭ ازاماتتىق كودەكسىمەن جانە "قازاقستان رەسپۋبليكاسىنداعى ساۋلەت، قالا قۇرىلىسى جانە قۇرىلىس قىزمەتى تۋرالى" زاڭمەن رەتتەلەدى. 

بەكىتىلگەن جوباعا سايكەس وبەكتىلەردىڭ جاي-كۇيى سالىنعان وبەكتىلەردىڭ تولىق ازىرلىگىن بىلدىرەدى. سوعان سايكەس: 

-كىرەبەرىس ەسىگى مەن تەرەزە بلوكتارى ورناتىلعان؛

-ىشكى ارلەۋ جۇمىستارى اياقتالعان؛ 

-قابىرعالارى مەن توبەلەرى سىلانعان جانە تەگىستەلگەن؛ 

-ەدەن جابىنىن سالۋ بويىنشا توسەم سالىنعان (تازا ەدەندەر سالۋسىز)؛

-ەلەكتر كابەلدەرى مەن سىمدارىن وتكىزۋ كوزدەلگەن، پاتەر ىشىندەگى ءبولۋ اۆتوماتتارى ورناتىلعان (تۇرمىستىق ماقساتتاعى ەلەكتر تەحنيكالىق اسپاپتارسىز، گازدى نەمەسە ەلەكترلى اس ءۇي پليتالارسىز)؛

-اسپاپتاردى ورناتۋ ورىندارىنا دەيىن جاپقىش ارماتۋراسى مەن تىعىندارى بار سۋ وتكىزۋ جانە كارىز قۇبىرلارى جۇرگىزىلگەن (سانيتاريالىق-تەحنيكالىق جابدىق پەن اسپاپتار ورناتۋسىز)؛ 

-تۇتىنىلعان كوممۋنالدىق قىزمەتتەردى ەسەپتەۋ اسپاپتارى (ۇيگە ورتاق جانە جەكە) ورناتىلعان؛ 

-جىلىتۋ اسپاپتارى مەن تەرەزەلىك جاقتاۋ تاقتايلارى ورناتىلعان، ەگەر شارتتا وسى كوزدەلمەسە، اتاپ كورسەتىلگەننەن اساتىن كولەمدەردەگى جۇمىستار ورىندالعان؛ 

-وبەكتى ينجەنەرلىك جانە كوممۋنالدىق قامتاماسىز ەتۋ كوزدەرىنە قوسىلىپ بولۋى كەرەك.