بيىل 1 مامىرداعى جاعداي بويىنشا، قازاقستاندا 381 سوعىس ارداگەرى جانە ەكىنشى دۇنيەجۇزىلىك سوعىستا جەڭىسكە جەتۋگە ۇلەس قوسقان 97 758 ازامات تۇرىپ جاتىر.
بۇل تۋرالى ەڭبەك جانە حالىقتى الەۋمەتتىك قورعاۋ ۆيسە-مينيسترى رۋسلان ساكەيەۆ مالىمدەدى، دەپ حابارلايدى Almaty-akshamy.kz Elorda.info-عا سىلتەمە جاساپ.
"سوعىس كەزىندە قازاق جەرىنەن 1 ملن 200 مىڭعا جۋىق ادام مايدانعا اتتاندى، 20-دان استام اتقىشتار ديۆيزيالارى جانە باسقا دا قۇرىلىمدار قۇرىلدى. اسكەري قىزمەتتەرى ءۇشىن جۇزدەگەن مىڭ قازاقستاندىق مەدالدار مەن وردەندەرمەن ماراپاتتالدى، 500-گە جۋىق ادام كەڭەس وداعىنىڭ باتىرى اتاندى. ءتورت قازاقستاندىق ەكى رەت باتىر اتاندى، 110 قازاقستاندىق ءۇش دارەجەلى داڭق وردەنىمەن ماراپاتتالدى. قولىنا قارۋ العان ءاربىر ەكىنشى قازاقستاندىق جەڭىس ءۇشىن جانىن بەردى – شايقاستا قازا تاپتى، حابار-وشارسىز كەتتى. 630 مىڭ ادام تۇتقىننان ورالمادى. جەڭىستى جاقىنداتۋعا تىل ەڭبەككەرلەرىننىڭ قوسقان ۇلەسىن ەرەكشە اتاپ وتكىم كەلەدى، ولار مايداندى بارلىق قاجەتتىلىكپەن قامتاماسىز ەتۋگە بار كۇشىن سالدى"، - دەدى ۆيسە-مينيستر.
رۋسلان ساكەيەۆ ارداگەرلەردى جەڭىس كۇنىمەن قۇتتىقتادى.