تۋريزم جانە سپورت مينيسترلىگى دارىندى جانە بولاشاعىنان كوپ ءۇمىت كۇتتىرەتىن سپورتشىلارعا قولداۋ كورسەتىپ، سپورت رەزەرۆىن دايىنداۋ ءۇشىن قولايلى جاعدايلار جاساۋدا، دەپ حابارلايدى اlmaty-akshamy.kz.
بالالار مەن جاسوسپىرىمدەر سپورت مەكتەپتەرى جەلىسىنىڭ ەڭ تومەن مەملەكەتتىك نورماتيۆتەرى بەكىتىلگەن. نورماتيۆتەرگە سايكەس رەسپۋبليكالىق ماڭىزى بار قالالاردا 55-165 مىڭ ادامعا ارنالعان 1 بالالار-جاسوسپىرىمدەر سپورت مەكتەبى، وبلىستاردا 20-50 مىڭ ادامعا 1 بجسم، وبلىستىڭ ءاربىر اۋدانىندا كەمىندە 1 بجسم بولۋى ءتيىس. ستاتيستيكالىق دەرەكتەرگە سايكەس، دەنە شىنىقتىرۋ جانە سپورتپەن شۇعىلداناتىن بالالار مەن جاسوسپىرىمدەر سانى 27،3% (984 مىڭ ادام) جەتتى. جالپى، 2023 جىلدىڭ قورىتىندىسى بويىنشا رەسپۋبليكادا 510 بالالار-جاسوسپىرىمدەر سپورت مەكتەبى جۇمىس ىستەيدى، وندا 404 035 بالا جاتتىعادى. 2022 جىلمەن سالىستىرعاندا مەكتەپتەر سانى 23-كە، ال وقۋشىلار سانى 13 371 ادامعا ارتقان. بالالاردى سپورت مەكتەپتەرىندە سەكسيالارىمەن قامتۋ بويىنشا پاۆلودار (20،7%)، جەتىسۋ (17،6%) جانە سولتۇستىك قازاقستان وبلىسى (18،4) كوشباسشى سانالادى.
«وتكەن جىلدارى بجسم وليمپيادالىق ەمەس سپورت تۇرلەرىنە كوپ كوڭىل ءبولىپ كەلدى. ءبىراق جىل باسىنان بەرى كوپتەگەن ءوڭىر وليمپيادالىق تۇرلەرگە باسىمدىق بەرە باستادى. ەلىمىزدە مەدالعا ءۇمىت كوپ «تىرەك» جانە مەدالدى كوپ اكەلەتىن سپورت تۇرلەرىن دامىتۋعا نازار اۋدارۋ كەرەك»، - دەدى ەرمەك مارجىقپايەۆ.