بىرنەشە وڭىردە مامان تاپشى.
جۇمىس بەرۋشىلەر تەحنولوگتارعا (ورتا ەسەپپەن 954 مىڭ تەڭگەدەن باستاپ)، ۇڭعىمالارعا قىزمەت كورسەتۋ جونىندەگى ينجەنەرلەرگە (800 مىڭ تەڭگەدەن باستاپ) جانە جۇيەلىك ساۋلەتشىلەرگە (700 مىڭ تەڭگەدەن باستاپ) ەڭ جوعارى جالاقى مولشەرىن ۇسىندى، دەپ حابارلايدى Almaty-akshamy.kz
بىلتىرعى جەلتوقساندا ەلەكتروندىق ەڭبەك بيرجاسىندا 119،6 مىڭ بوس جۇمىس ورنى جانە 59،2 مىڭ تۇيىندەمە جاريالاندى. قاراشامەن سالىستىرعاندا سۇرانىس 10 %-عا وسكەن (+10،6 مىڭ بوس ورىن)، ال ۇسىنىس 23 %-عا قىسقارعان (-17،8 مىڭ تۇيىندەمە).
ەڭ بەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، جەلتوقساندا نەگىزگى سۇرانىس باسقا قىزمەت تۇرلەرىنىڭ كاسىپورىندارى (16،8 مىڭ بوس جۇمىس ورنى)، اۋىل شارۋاشىلىعى (13،9 مىڭ بوس جۇمىس ورنى) جانە نەگىزگى جانە ورتا ءبىلىم بەرۋ ۇيىمدارى (6،8 مىڭ بوس جۇمىس ورنى) ەسەبىنەن قالىپتاستى، ولار جيىنتىعىندا بارلىق ورنالاستىرىلعان بوس جۇمىس ورىندارىنىڭ ۇشتەن بىرىنەن استامىن قۇرايدى.
«سۇرانىستىڭ جالپى وسۋىنە قاراماستان، ءبىرقاتار وڭىرلەردە ونىڭ قىسقارۋى بايقالادى. ماسەلەن، اقمولا وبلىسىندا جاريالانعان بوس جۇمىس ورىندارىنىڭ سانى ءبىر ايدا 41%-عا (-2،2 مىڭ)، قاراعاندى وبلىسىندا – 29 %-عا (-2،5 مىڭ بوس جۇمىس ورنى) قىسقاردى. كەرىسىنشە، سۇرانىستىڭ ءوسۋى نەگىزىنەن وڭتۇستىك وڭىرلەردە بايقالدى. بوس ورىندار سانىن ۇلعايتۋ بويىنشا الدىڭعى قاتاردا قىزىلوردا وبلىسى تۇر، وندا بوس ورىندار سانى 152 %-عا وسكەن، 4،4 مىڭ بوس ورىندى قۇرايدى. ءوز كەزەگىندە، ۇسىنىس بارلىق دەرلىك وڭىردە ازايدى. وڭتۇستىك وڭىرلەر بويىنشا ءبىرشاما ازايعانى بايقالادى، كوبىنە شىمكەنت قالاسى بويىنشا تۇيىندەمە سانى (44 %-عا نەمەسە 1،9 مىڭعا) قىسقارعان»، – دەدى ەڭبەك رەسۋرستارىن دامىتۋ ورتالىعىنىڭ اق ستراتەگيا جانە ۇلكەن دەرەكتەردى تالداۋ دەپارتامەنتىنىڭ باس ساراپشىسى ماديار الدياروۆ.
بىلىكتىلىگى جوق كادرلارعا سۇرانىستىڭ ءوسۋى اياسىندا بىلىكتى ماماندارعا تاپشىلىق بىرنەشە وڭىرلەردە ورىن الدى، ونىڭ ىشىندە سولتۇستىك قازاقستان (2،2 مىڭ بوس جۇمىس ورنى جانە 655 تۇيىندەمە)، شىعىس قازاقستان (3،5 مىڭ بوس جۇمىس ورنى جانە 1،2 مىڭ تۇيىندەمە) جانە قاراعاندى وبلىستارى (4،5 مىڭ بوس جۇمىس ورنى جانە 2،5 مىڭ تۇيىندەمە)، سونداي-اق الماتى قالاسى 9،8 مىڭ بوس جۇمىس ورنى جانە 5،3 مىڭ تۇيىندەمە).
سۇرانىستىڭ ۇسىنىستان جالپى باسىمدىلىعىنا قاراماستان، جەلتوقسان ايىندا زاڭگەرلەر (214 بوس جۇمىس ورنى جانە 846 تۇيىندەمە)، دەنە شىنىقتىرۋ جانە سپورت مۇعالىمدەرى (112 بوس جۇمىس ورنى جانە 425 تۇيىندەمە) جانە باستاۋىش سىنىپ مۇعالىمدەرى (151 بوس جۇمىس ورنى جانە 442 تۇيىندەمە) ايتارلىقتاي اسىپ ءتۇستى.
ورنالاستىرىلعان تۇيىندەمەلەردىڭ جارتىسى 16 مەن 35 جاس ارالىعىنداعى جاستارعا (29،9 مىڭ)، 27 % (15،9 مىڭ) – ورتا جاستاعى (44 جاسقا دەيىنگى) ۇمىتكەرلەرگە تيەسىلى بولدى، ال بارلىق تۇيىندەمەلەردىڭ تەك 6 %-ىن (3،8 مىڭ) زەينەتكەرلىككە دەيىنگى جاستاعى ادامدار ورنالاستىردى.
«قاراشادا جۇمىس بەرۋشىلەر ونەركاسىپتىڭ باس تەحنولوگتارىنا (ورتا ەسەپپەن 954 مىڭ تەڭگەدەن باستاپ)، ۇڭعىمالارعا قىزمەت كورسەتۋ جونىندەگى ينجەنەرلەرگە (800 مىڭ تەڭگەدەن باستاپ) جانە جۇيەلىك ساۋلەتشىلەرگە (700 مىڭ تەڭگەدەن باستاپ) ەڭ جوعارى جالاقى مولشەرىن ۇسىندى. ءوز كەزەگىندە، ۇڭعىمالارعا قىزمەت كورسەتۋ جونىندەگى ينجەنەرلەردەن (ورتا ەسەپپەن 1،5 ملن تەڭگەدەن باستاپ)، بۇرعىلاۋ جونىندەگى سۋپەرۆايزەرلەردەن (1،1 ملن تەڭگەدەن باستاپ) جانە ءونىمدى ازىرلەۋ جونىندەگى باسشىلاردان (935 مىڭ تەڭگەدەن باستاپ) ەڭ جوعارى جالاقىعا سۇرانىس بولدى»، - دەيدى ساراپشى.
وسىلايشا، جەلتوقسان ايىندا جىل اياقتالۋىنا جانە جۇمىس بەرۋشىلەر تاراپىنان كادرلىق بەلسەندىلىكتىڭ تومەندەۋىنە بايلانىستى جۇمىس بەرۋشىلەردىڭ بىلىكتى كادرلارعا ورتاشا قىزىعۋشىلىعى بايقالدى. جۇمىس ىزدەۋشىلەر دە جۇمىس ىزدەۋدى قولايلى ساتكە دەيىن كەيىنگە قالدىرۋدى ءجون كورىپ، وسىنداي بەلسەندىلىك تانىتتى.