وتىنىمدەر 30 قىركۇيەككە دەيىن قابىلدانادى.
مەملەكەتتىك باسقارۋ جۇيەسى ءۇشىن تالانتتى جاستاردى انىقتاۋ جانە تارتۋ ماقساتىندا پرەزيدەنتتىك جاستار كادر رەزەرۆىنە كەزەكتى ءۇشىنشى ىرىكتەۋ جوسپارلانۋدا، دەپ حابارلايدى Almaty-akshamy.kz
ىرىكتەۋگە وتىنىمدەردى قابىلداۋ 1 قىركۇيەكتەن باستاپ pkrezerv.gov.kz سايتىندا قولجەتىمدى بولادى.
ىرىكتەۋگە جاسى 35-تەن اسپاعان، جوعارى ءبىلىمى جانە 5 جىل جالپى جۇمىس تاجىريبەسى بار، قازاق ءتىلىن مەڭگەرگەن (ۆ1 دەڭگەيىنەن تومەن ەمەس) قازاقستان رەسپۋبليكاسىنىڭ ازاماتى قاتىسا الادى.
بيىل ىرىكتەۋ كەلەسى باعىتتار بويىنشا جۇرگىزىلەدى:
ينفراقۇرىلىمدى، ونەركاسىپتى دامىتۋ جانە ساۋدا ساياساتى؛
اگروونەركاسىپتىك كەشەن جانە قورشاعان ورتانى قورعاۋ؛
سىرتقى ساياسات جانە ينۆەستيسيالار؛
ەكونوميكالىق جانە قارجىلىق ساياسات؛
سيفرلاندىرۋ؛
الەۋمەتتىك ساياسات جانە ازاماتتىق قوعام؛
ىرىكتەۋ 6 كەزەڭ بويىنشا وتكىزىلەدى:
- قۇجاتتاردى قابىلداۋ؛
- ماتىندىك جانە ساندىق اقپاراتپەن جۇمىس ىستەۋ قابىلەتىن باعالاۋ؛
-سيتۋاسيالىق تاپسىرمالاردى شەشۋ؛
- قۇزىرەتتەردى باعالاۋ (Assessment center جانە HR-سۇحبات)؛
- ساراپشىلىق كوميسسيادا اڭگىمەلەسۋ؛
- ۇلتتىق كوميسسيا وتىرىسى.
ىرىكتەۋ قورىتىندىسى بويىنشا 50 كانديدات رەزەرۆكە الىنادى. جەڭىمپازدار اعىمداعى جىلعى جەلتوقساندا جاريالانادى