جىل باسىنان بەرى قازاقستاندىقتارعا 704،9 ملرد تەڭگەدەن استام سوماعا زەينەتاقى تولەندى.
ەڭبەك مينيسترلىگى زەينەتاقى تولەمدەرىنىڭ ورتاشا مولشەرىن اتاپ كورسەتتى، دەپ حابارلايدى Almaty-akshamy.kz
1 ناۋرىزداعى جاعداي بويىنشا، قازاقستاندىقتارعا 704،9 ملرد تەڭگەدەن استام سوماعا زەينەتاقى تولەندى. 2022 جىلعى ناۋرىزدا رەسپۋبليكالىق بيۋدجەتتەن زەينەتاقى تولەمدەرىنە 234،8 ملرد تەڭگەدەن استام، ونىڭ ىشىندە بازالىق زەينەتاقىنى تولەۋگە 71،4 ملرد تەڭگە، ىنتىماقتى زەينەتاقىنى تولەۋگە 163،4 ملرد تەڭگە ءبولىندى.
2022 جىلعى 1 ساۋىردەگى جاعداي بويىنشا، زەينەتكەرلەر سانى 2 ملن 245،6 مىڭنان استام ادامدى قۇرايدى.
2022 جىلعى 1 ساۋىردەگى جاعداي بويىنشا، زەينەتاقى تولەمدەرىنىڭ ورتاشا مولشەرى (بازالىق زەينەتاقى تولەمىن ەسكەرە وتىرىپ) 105 344 تەڭگەنى قۇرادى.
2018 جىلعى 1 شىلدەدەن باستاپ مەملەكەتتىك بازالىق زەينەتاقى تولەمى، زەينەتاقى جۇيەسىندەگى تاجىريبەسىن ەسكەرە وتىرىپ، ءار الۋشىعا جەكە تاعايىندالعانىن ەسكە سالايىق.
بۇل رەتتە 1998 جىلعى 1 قاڭتارداعى جاعداي بويىنشا ىنتىماقتى جۇيەدە جۇمىس ىستەگەن ۋاقىتى، سونداي-اق مىندەتتى زەينەتاقى جارنالارى (بۇدان ءارى – مزج) تولەنگەن كەزەڭدەر زەينەتاقى جۇيەسىندەگى ەڭبەك وتىلىنە قوسىلادى.
سونىمەن، ەگەر زەينەتاقى جۇيەسىندەگى جۇمىس ءوتىلى 10 جىل نەمەسە ودان از بولسا، سونداي-اق ەگەر مۇلدە جوق بولسا، بازالىق زەينەتاقى ەڭ تومەنگى كۇنكورىس دەڭگەيىنىڭ 54%-ىن قۇرايدى، سودان كەيىن 10 جىلدان اسقان ءار جىل ءۇشىن ونىڭ مولشەرى 2%-عا ارتادى. مىسالى، ەگەر ءسىز 20 جىل قاتىسساڭىز، بازالىق زەينەتاقى كۇنكورىس دەڭگەيى قۇنىنىڭ 74%-دى، 30 جىل – كۇنكورىس قۇنىنىڭ 94%-ىن قۇرايدى. 33 جانە ودان دا كوپ جىل جۇمىس ءوتىلى بولسا، كۇنكورىس قۇنىنىڭ 100% جوعارى مولشەرىندە بەلگىلەنەدى.
ەگەر ءبىر اي ىشىندە مزج ءبىرىڭعاي جيناقتاۋشى زەينەتاقى قورىنا بىرنەشە رەت جاسالسا، جيناقتاۋشى جۇيەگە قاتىسۋ مەرزىمى ءبىر ايدى قۇرايدى.
وسىلايشا، مىندەتتى زەينەتاقى جارنالارى نەعۇرلىم تۇراقتى جانە تولىق سالىناتىن بولسا، زەينەتاقى جاسىنا جەتكەندە بازالىق زەينەتاقى تولەمدەرىنىڭ مولشەرى سوعۇرلىم كوپ بولادى.
ءوز كەزەگىندە جاسىنا بايلانىستى زەينەتاقى تولەمدەرىنىڭ مولشەرى 1998 جىلعى 1 قاڭتارداعى جۇمىس وتىلىنە (كەم دەگەندە 6 اي قاجەت) جانە زەينەتكەرلىككە دەيىنگى كەزەڭدە الىنعان ورتاشا ايلىق تابىسقا بايلانىستى بولادى.