ۇسب ەلدەگى "قىزمەتكەرلەردىڭ سانى جانە جالاقىسى" تۋرالى مالىمەتتەردى جاڭارتتى.
بيۋرو تاراتقان مالىمەتتە وتكەن توقسانىمەن سالىستىرعاندا ايلىق جالاقىسىنىڭ ورتاشا ءمانى 3،2%-عا تومەندەگەن، ناقتى جالاقى يندەكسى 95،3% قۇراعان، دەپ حابارلايدى aqshamnews.kz
«2024 جىلعى III توقساندا قازاقستان رەسپۋبليكاسى بويىنشا ايلىق جالاقىنىڭ ورتاشا ءمانى 2023 جىلعى ءتيىستى توقسانعا قاراعاندا 11،3%-عا ءوسىپ، 390 328 تەڭگەنى قۇرادى. قازاقستان رەسپۋبليكاسىنداعى جالاقىنىڭ مەديانالىق ءمانى باعالاۋ بويىنشا 2024 جىلدىڭ III توقسانىندا 269 378 تەڭگەنى قۇرادى»،-دەلىنگەن حابارلامادا.
«2023 جىلدىڭ ءتيىستى توقسانىمەن سالىستىرعاندا ورتاشا ايلىق جالاقىنىڭ ەڭ جوعارى ءوسۋى اقپارات جانە بايلانىستا – 28،1 ەسە، قارجى جانە ساقتاندىرۋ قىزمەتى – 24،3%-عا، جىلجىمايتىن مۇلىكپەن وپەراسيالار – 18،7%-عا، ونەر، ويىن-ساۋىق جانە دەمالىس – 18،0%-عا، سالالارىندا بايقالدى. ونەركاسىپتە ورتاشا ايلىق جالاقى – 13،8%-عا ءوستى، ونىڭ ىشىندە ەلەكتر ەنەرگياسىمەن، گازبەن، بۋمەن، ىستىق سۋمەن جانە اۋانى كونديسيالاۋمەن جابدىقتاۋ سالاسىندا – 20،6%-عا، سۋمەن جابدىقتاۋ؛ سۋ بۇرۋ؛ قالدىقتاردى جيناۋ، وڭدەۋ جانە جويۋ، لاستانۋدى جويۋ بويىنشا قىزمەت سالاسىندا – 18،3%-عا»،-دەلىنگەن حابارلامادا.
2023 جىلدىڭ ءتيىستى توقسانىمەن سالىستىرعاندا ورتاشا ايلىق جالاقىنىڭ ەڭ تومەنگى ءوسۋى، مەملەكەتتىك باسقارۋ جانە قورعانىس؛ مىندەتتى الەۋمەتتىك قامسىزداندىرۋ– 5،9%-عا، قۇرىلىس– 5،3%-عا سالالارىندا بايقالعان. سالالىق قۇرىلىمدا ەڭ جوعارى اتاۋلى جالاقى تاۋ-كەن ءوندىرۋ ونەركاسىبى جانە كارەرلەردى قازۋدا– 2،2 ەسە، قارجى جانە ساقتاندىرۋ قىزمەتى – 2،1 ەسە، كاسىبي، عىلىمي جانە تەحنيكالىق قىزمەتىندە – تيىسىنشە 1،5 ەسە ، كولىك جانە جيناقتاۋدا – 1،4 ەسە جوعارى بولىپ تىركەلگەن.