ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ مەملەكەتتىك ەڭبەك ينسپەكسياسى كوميتەتىنىڭ مالىمەتتەرى بويىنشا، 2025 جىلدىڭ باسىنان بەرى وندىرىستەگى جازاتايىم وقيعالاردىڭ سالدارىنان 293 جۇمىسكەر زارداپ شەگىپ، ولاردىڭ 40-ى قازا تاپقان، دەپ حابارلايدى aqshamnews.kz.
بۇل رەتتە وسى جىلدىڭ ءى توقسانىنىڭ قورىتىندىسى بويىنشا وندىرىستىك جاراقاتتانۋ 2024 جىلدىڭ سايكەس كەزەڭىمەن سالىستىرعاندا 16،8% - عا تومەندەدى.
2025 جىلدىڭ ءى توقسانىنىڭ قورىتىندىسى بويىنشا وندىرىستىك جاراقاتتانۋ دەڭگەيى (1000 جۇمىس جاساۋشىعا شاققاندا جازاتايىم وقيعالار جيىلىگىنىڭ كوەففيسيەنتى) 0،04 قۇرادى.
جاراقاتتانۋدىڭ جوعارى دەڭگەيى ەلىمىزدىڭ ونەركاسىپتىك ايماقتارىندا ساقتالۋدا. ماسەلەن، قاراعاندى وبلىسىندا – 31، قوستاناي وبلىسىندا – 27، شىعىس قازاقستان وبلىسىندا – 24، اقتوبە وبلىسىندا – 22، اتىراۋ وبلىسىندا – 22، الماتى قالاسىندا – 19 ادام زارداپ شەكتى.
ەكونوميكا سالالارى بولىنىسىندە زارداپ شەككەندەردىڭ ەڭ كوپ سانى تاۋ-كەن مەتاللۋرگيا كەشەنىنىڭ كاسىپورىندارىندا – 15،3% جانە قۇرىلىس سالاسىندا – 12% بايقالادى.
جازاتايىم وقيعالارعا اكەپ سوققان نەگىزگى سەبەپتەر: جۇمىس ءوندىرىسىن قاناعاتتانارلىقسىز ۇيىمداستىرۋ (34،4%)؛ جابىرلەنۋشىنىڭ ءوزىنىڭ ورەسكەل ابايسىزدىعى (32%)؛ جول ءجۇرىس ەرەجەلەرىن بۇزۋ (8،4%)؛ ەڭبەك قاۋىپسىزدىگى جانە ەڭبەكتى قورعاۋ قاعيدالارىن بۇزۋ (7،6%) بولدى.
ءقاۋىپسىز ەڭبەك جاعدايلارىن جاساۋ جانە وندىرىستىك جاراقاتتانۋدى ازايتۋ - ۇكىمەت پەن ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ نەگىزگى مىندەتتەرىنىڭ ءبىرى.
سوڭعى بەس جىل ىشىندە ەڭبەكتى قورعاۋ سالاسىندا مەملەكەتتىك ورگاندار مەن جۇمىس بەرۋشىلەر قابىلداعان كەشەندى شارالار وندىرىستىك جاراقاتتانۋ دەڭگەيىن 6،3%-عا تومەندەتۋگە مۇمكىندىك بەردى.
ەلىمىزدىڭ 3262 كاسىپورنى بۇزۋشىلىقتاردىڭ الدىن الۋ جانە بولدىرماۋ ماقساتىندا ەڭبەك قاۋىپسىزدىگى جانە ەڭبەكتى قورعاۋ ستاندارتتارىن ەنگىزدى.
2019 جىلدان باستاپ ەڭبەكمينى «نولدىك جاراقات – Vision Zero» تۇجىرىمداماسىن ىلگەرىلەتۋ بويىنشا بەلسەندى جۇمىس جۇرگىزۋدە. بۇگىندە وعان 605 كاسىپورىن قوسىلدى.
قۇرىلىس وبەكتىلەرىندە باس مەردىگەردىڭ وبەكتىدەگى ەڭبەك قاۋىپسىزدىگى ماسەلەلەرى بويىنشا بارلىق قوسالقى مەردىگەرلەرگە جاۋاپكەرشىلىگى مەن باقىلاۋىن كوزدەيتىن باقىلاۋدىڭ تىكەلەي مودەلىن ەنگىزۋ بويىنشا جۇمىس جالعاسۋدا. بۇل باقىلاۋ مودەلىن رەسپۋبليكانىڭ 318 كاسىپورنى ەنگىزدى.
بۇدان باسقا جۇمىس بەرۋشىلەرگە ەڭبەكتى قورعاۋ تالاپتارىنىڭ ساقتالۋىن ءوزىن-وزى تەكسەرۋدەن وتۋگە مۇمكىندىك بەرەتىن «ونلاين ەڭبەك كەڭەسشىسى» ەلەكتروندىق سەرۆيسى ىسكە قوسىلدى. سەرۆيس ىسكە قوسىلعان ساتتەن باستاپ ونى 41 090 جۇمىس بەرۋشى پايدالاندى.
قازاقستان رەسپۋبليكاسىنىڭ 2024-2030 جىلدارعا ارنالعان ءقاۋىپسىز ەڭبەك تۇجىرىمداماسى ىسكە اسىرىلۋدا، ول 4 نەگىزگى باعىتتى كوزدەيدى. بۇل تاۋەكەلگە باعدارلانعان ءتاسىل نەگىزىندە ەڭبەكتى قورعاۋدىڭ ۇلتتىق جۇيەسىن جاڭعىرتۋ، جۇمىس ورىندارىندا تاۋەكەلدى تومەندەتۋ جونىندەگى شارالاردى ەكونوميكالىق ىنتالاندىرۋ، كاسىبي قۇزىرەتتىلىكتەر مەن عىلىمي الەۋەتتى دامىتۋ، سونداي-اق ەڭبەكتى قورعاۋ سالاسىنداعى باقىلاۋ مەن مونيتورينگتىڭ تيىمدىلىگىن ارتتىرۋ. تۇجىرىمدامانى ىسكە اسىرۋ وندىرىستىك جاراقاتتانۋ مەن كاسىپتىك سىرقاتتانۋشىلىق دەڭگەيىن تومەندەتۋگە ىقپال ەتەتىن بولادى.