ەلىمىزدە «وميكروننىڭ» تارالۋىنا بايلانىستى الدىن الۋ شارالارى ەنگىزىلەدى

«وميكروننىڭ» تارالۋ جىلدامدىعى «دەلتا» شتامىنان 5 ەسە جوعارى.

قازاقستان رەسپۋبليكاسىندا «وميكرون» جاڭا شتامىنىڭ تارالۋىنا، سونداي-اق ەلدە covid-19 كوروناۆيرۋس ينفەكسياسىمەن سىرقاتتانۋ جاعدايلارىنىڭ كوبەيۋىنە بايلانىستى كوروناۆيرۋس ينفەكسياسىنا جول بەرمەۋ جونىندەگى ۆەدومستۆوارالىق كوميسسيانىڭ تاپسىرماسى بويىنشا 2022 جىلعى 14 قاڭتاردان باستاپ قوسىمشا الدىن الۋ شارالارى ەنگىزىلەدى، دەپ حابارلايدى Almaty-akshamy.kz سانيتارلىق-ەپيدەميولوگيالىق باقىلاۋ كوميتەتىنە سىلتەمە جاساپ.

وسىلايشا، قازاقستان رەسپۋبليكاسىنىڭ باس سانيتار دارىگەرىنىڭ قاۋلىسىمەن جۇمىس جانە دەمالىس كۇندەرى ساۋدا ورتالىقتارى، ساۋدا ۇيلەرى مەن ساۋدا جەلىلەرىنە قوسا، سپورتتىق-ساۋىقتىرۋ جانە فيتنەس-ورتالىقتارعا، يوگا-ورتالىقتارعا، باسسەيندەرگە، ساۋنالارعا، مونشالارعا كىرۋ «جاسىل» ستاتۋستىڭ (ۆاكسيناسيانىڭ بولۋى، سىنامالار الىنعان ساتتەن باستاپ 7 تاۋلىكتەن اسپايتىن تەرىس ناتيجەسى بار پتر-تەسىلەۋدىڭ بولۋى، سوڭعى 3 اي ىشىندە اۋىرىپ جازىلعان، تۇراقتى مەديسينالىق قارسى كورسەتىلىمدەرى بار ادامدار) بولۋىمەن جۇمىس رەجيمىن شەكتەۋسىز جۇرگىزىلەدى.  

قابىلدانعان شارالار كوروناۆيرۋستىڭ «وميكرون» شتامىنىڭ جۇعۋ جىلدامدىعىنىڭ جوعارى دەڭگەيىنە نەگىزدەلگەن. عالىمدار «وميكروننىڭ» جوعارى جۇقپالى ەكەنىن اتاپ ءوتتى- تارالۋ جىلدامدىعى «دەلتا» شتامىنان 5 ەسە جوعارى، ءار ءۇش-تورت كۇن سايىن ىندەتكە شالدىققانداردىڭ سانىن ەكى ەسە ارتتىرادى.  

قازاقستاندا كوروناۆيرۋس ينفەكسياسى بويىنشا ەپيدەميولوگيالىق جاعدايدىڭ ناشارلاعانى بايقالادى.  تەك سوڭعى تاۋلىكتە رەسپۋبليكادا 9122 كۆي+ جاعدايى تىركەلدى.   ەنگىزىلگەن شەكتەۋلەر ەلدەگى ەپيدەميولوگيالىق جاعدايدى تۇراقتاندىرۋعا، اۋرۋلار سانىنىڭ ۇلعايۋ ءقاۋپىن ازايتۋعا، نەعۇرلىم قاتاڭ شەكتەۋ شارالارىن ەنگىزۋگە جول بەرمەۋگە باعىتتالعان.