قازاقستاننىڭ ەنەرگەتيكا سالاسى بويىنشا اناليتيكالىق پورتالى «ەنەردجي مونيتور» وسىنداي بولجاممەن ءبولىستى.
حابارلاماعا ساي، تامىزدا 5،1 ملن توننا مۇناي ءوندىرىلدى. جالپى، سوڭعى 10 جىلدا كورسەتكىش تەك ەكى رەت تومەندەگەن. 2016 جىلعى تامىزدا شامامەن 4،3 ملن توننا جانە 2022 جىلعى ماۋسىمدا 4،9 ملن توننا. وعان قاشاعان كەشەنىندەگى زاۋىتىشىلىك اقاۋلار سەبەپ بولدى، دەپ حابارلايدى Almaty-akshamy.kz 24.kz-كە cىلتەمە جاساپ.
بۇل قاشاعانداعى مۇناي ءوندىرىسىنىڭ 3،5 ەسەگە تومەندەۋىنە الىپ كەلدى. ەكىنشى - قاراشىعاناق كەشەنىن جوسپارلى كۇردەلى جوندەۋ جۇمىستارى. مۇناي جانە گاز اقپاراتتىق-تالداۋ ورتالىعىنىڭ مالىمەتىنشە، جىل باسىنان بەرى ورتاشا تاۋلىكتىك مۇناي ءوندىرۋ كولەمى 228 مىڭ توننا بولدى. وسىنداي قارقىن ساقتالعان جاعدايدا جىل سوڭىندا بار بولعانى 83 ملن توننا مۇناي وندىرىلەدى. ال جوسپار بويىنشا 85،7 ملن توننا قارا التىن ءوندىرۋ كەرەك. ءبىراق ساراپشىلار قالعان ءۇش ايدا جوسپارلى كورسەتكىشكە جەتۋ ەكىتالاي دەگەن پىكىردە.
«سوندىقتان ەنەرگەتيكا مينيسترلىگى مۇناي ءوندىرۋ جوسپارىن ەكىنشى رەت قايتا قاراۋعا ءماجبۇر بولادى»، – دەيدى ولار.