ورتالىق ازيا ەلدەرى اراسىندا ەڭ جىلدام ينتەرنەت - قازاقستاندا
مۇنداي زەرتتەۋدى Finprom.kz جۇرگىزگەن. رەسۋرستىڭ جازۋىنشا، الەمدە ءموبيلدى كەڭ جولاقتى ينتەرنەتتىڭ ورتاشا جۇكتەۋ جىلدامدىعى ءبىر جىلدا 38،3% ارتىپ، 2022 جىلدىڭ قاڭتارىندا سەكۋندىنا 29،62 مەگابيتكە جەتكەن. مۇنداي وڭ تەندەنسيادا قازاقستاننىڭ دا ۇلەسى بار، دەپ حابارلايدى Almaty-akshamy.kz
«قازاقستاندا بۇل كورسەتكىش قاڭتار ايىندا بىردەن 48%-عا، ياعني، 18 مبيت/سەكۋندكە دەيىن ءوستى. بۇل – ورتالىق ازيا ەلدەرى اراسىنداعى ەڭ ۇزدىك كورسەتكىش. ودان كەيىن قىرعىزستان (8% نەمەسە 17،45 مبيت/سەك دەيىن) جانە وزبەكستان (13،85 مبيت/سەك نەمەسە 57،6%) تۇر. تاجىكستان مەن تۇركىمەنستاندا ءموبيلدى ينتەرنەت جىلدامدىعى - الەمدەگى ەڭ تومەن كورسەتكىشتەردىڭ ءبىرى: تيىسىنشە 6،43 مبيت/سەك جانە 3،09 مبيت/سەك»، - دەپ جازادى Finprom.kz.
اناليتيكالىق پورتالدىڭ مالىمەتى بويىنشا، پاندەميا كەزىندە شارالاردىڭ ءبارى ونلاين فورماتقا كوشىپ، بۇل سەگمەنتكە ۇلكەن قىسىم تۇسىرگەن.
«الايدا، جالپى قيىندىقتار اياسىندا قازاستانداعى ءموبيلدى وپەراتورلار قولدا بار رەسۋرستى ساقتاپ قانا قويماي، بايلانىس ساپاسىن جاقسارتا الدى. 2020 جىلدىڭ قورىتىندىسى بويىنشا، ۇتقىر كەڭ جولاقتى بايلانىس ارقىلى ينتەرنەت جەلىسىنە جالعانعان ءۇي شارۋاشىلىقتارىنىڭ ۇلەسى - 85،7%. بۇل كورسەتكىش 2019 جىلى 84،9%، ال 2015 جىلى 58،9% بولاتىن»، - دەلىنگەن تالداۋدا.