قازاقستان شيپاجايلارى تۋرالى مالىمەت.
ۇلتتىق ستاتيستيكا بيۋروسى دەمالىس ماۋسىمى قارساڭىندا ەلدەگى شيپاجاي ۇيىمدارىنا قاتىستى مالىمەت بەردى، دەپ حابارلايدى Almaty-akshamy.kz.
2022 جىلدىڭ سوڭىندا ەل اۋماعىندا 172 ساناتورلى-كۋرورتتىق مەكەمە بولدى، ونىڭ ىشىندە 109 –ساناتوريي، 27 – وڭالتۋ ورتالىعى، 9 –پروفيلاكتوريي، 7 – مامانداندىرىلعان جانە باسقا دا ساناتورييلەر.
ساۋىقتىرۋ نىساندارىنىڭ باسىم بولىگى جەكە بيزنەسكە تيەسىلى – 127، مەملەكەتكە – 42، شەتەلدىك مەنشىكتە – 3.
شيپاجايلاردىڭ 66-سى قالا اۋماعىندا بولسا، 106-سى اۋىلدى جەردە ورنالاسقان.
كۋرورتتى ۇيىمداردىڭ سانى بويىنشا تۇركىستان وبلىسى كوش باستاپ تۇر. وندا 72 مەكەمە جۇمىس ىستەپ تۇر. ودان ءارى اقمولا وبلىسى – 13، الماتى قالاسى مەن قىزىلوردا وبلىسىندا – ءارقايسىندا 11 دەمالىس ورنىنان بار.
وتكەن جىلى شيپاجايلاردا 380 مىڭ ادام ساۋىقسا، ونىڭ 60% ايەلدەر قۇرادى.