ۇلتتىق ستاتيستيكا بيۋروسىنىڭ 1 ماۋسىمداعى مالىمەتىنشە، قازاقستاندا تىركەلگەن اۆتوكولىك سانى 6،3 ميلليونعا جەتتى، - دەپ حابارلايدى aqshamnews.kz Tengri Auto-عا سىلتەمە جاساپ.
2025 جىلدىڭ مامىرىندا قازاقستاندا 128،1 مىڭ اۆتوكولىك تىركەلگەن، بۇل بىلتىرعى وسى كەزەڭىمەن سالىستىرعاندا شامامەن 15 پايىزعا ارتىق. جاڭادان تىركەلگەن كولىكتەردىڭ باسىم بولىگىن – 113 مىڭىن جەڭىل اۆتوكولىكتەر قۇرايدى.
سونىمەن قاتار، مامىردا قازاقستان جولدارىنا:
8 مىڭ جۇك كولىگى؛
1،4 مىڭ اۆتوبۋس شىققان.
بۇگىندە قازاقستاندا 20،33 ميلليون ادام تۇرادى. جالپى 6،3 ميلليون اۆتوكولىكتى ەسكەرسەك، ءاربىر ءۇشىنشى قازاقستاندىق كولىك يەسى دەگەن ءسوز.
ەكولوگيالىق تازا كولىكتەرگە دەگەن قىزىعۋشىلىق تا ارتىپ كەلەدى: 2024 جىلدىڭ مامىرىمەن سالىستىرعاندا تىركەلگەن ەلەكتروموبيلدەر سانى 66،9 پايىزعا كوبەيگەن.
وتىن تۇرلەرى بويىنشا ءوسىم:
بەنزينمەن جۇرەتىن كولىكتەر – 15،3 پايىز؛
ديزەلمەن – 13،9 پايىز؛
گازبەن – 36،2 پايىز؛
ارالاس وتىنمەن – 9،3 پايىزعا ارتتى.
4 ايدا 500 مىڭنان اسا كولىك
ۇلتتىق ستاتيستيكا بيۋروسىنىڭ مالىمەتىنە سايكەس، 2025 جىلعى 1 اقپاندا اۆتوكولىك سانى بىلتىرعى اقپانىمەن سالىستىرعاندا 7،6 پايىزعا وسكەن.
2025 جىلعى 1 اقپانعا دەيىن قازاقستاندا تىركەلگەن كولىكتەر سانى – 5 775 499:
جەڭىل كولىكتەر – 5 068 227؛
جۇك كولىكتەرى – 570 779؛
اۆتوبۋستار – 116 493.
ءتورت ايدىڭ ىشىندە ەلىمىزدىڭ اۆتوپاركى 526 987 كولىكپەن تولىققان.
الماتىدا كولىك سانى بىلتىر-اق شەكتى دەڭگەيگە جەتكەن. كۇن سايىن قالا جولدارىنا ءبىر ميلليونعا دەيىن كولىك شىعادى، ونىڭ 600 مىڭى – الماتىدا تىركەلگەن، ال 400 مىڭى – وبلىستان كەلەتىندەر.
سول كەزدە كولىك سالاسىنىڭ ساراپشىلارى "اقىلى تۇراقتاردى كەڭەيتىپ، قالا ىشىندە قوزعالىستى شەكتەۋ" ۇسىنىسىن جاساعان. ولاردىڭ پىكىرىنشە، بۇل جول قوزعالىسىنداعى جۇكتەمەنى ازايتىپ، مەگاپوليستەگى ەكولوگيالىق جاعدايدى جاقسارتۋى ءتيىس بولاتىن.