باس مەملەكەتتىك سانيتارلىق دارىگەر ايجان ەسماعامبەتوۆا ءقاۋىپتى ينفەكسيادان بيىلدىققا ەكىنشى بالا كوز جۇمعانىن مالىمدەدى.
قايعىلى وقيعا ۇلىتاۋ وڭىرىندە بولعان، دەپ حابارلايدى Almaty-akshamy.kz
"بيىل كوكجوتەلدەن ەكى بالا كوز جۇمدى، بىرەۋى – قاراعاندى وبلىسىندا، ال ەكىنشىسى – ۇلىتاۋدا. ال ولاردىڭ ەكەۋى دە ەكپە سالاتىن جاسقا جەتپەگەن”، – دەپ مالىمدەدى ايجان ەسماعامبەتوۆا.
دارىگەرلەر كوكجوتەلدىڭ وتە ءقاۋىپتى ينفەكسيا ەكەنىن ايتادى. سوزدەرىنشە، اۋىرعان 10 ادامنىڭ تورتەۋى ودان ءولۋى مۇمكىن.
قازىرگى ۋاقىتتا قازاقستاندا اي سايىن كوكجوتەلدى 350-دەن 400-گە دەيىن ادام جۇقتىرىپ جاتىر. ناۋقاستاردىڭ 90%-عا جۋىعى ەكپە الماعان.
دەنساۋلىق ساقتاۋ مينيسترلىگى حالىقتى ەكپەدەن باس تارتپاۋعا شاقىرادى. ەلدىڭ باس دارىگەرى كوكجوتەلگە قارسى فرانسۋز ۆاكسيناسى ءتيىمدى دەيدى.