34 زاڭ جوباسىن ازىرلەۋ كوزدەلگەن.
ۇكىمەت وتىرىسىندا ادىلەت ءمينيسترى قانات مۋسين قازاقستان رەسپۋبليكاسى ۇكىمەتىنىڭ 2023 جىلعا ارنالعان زاڭ جوبالاۋ جۇمىستارىنىڭ جوسپارىن تانىستىردى، دەپ حابارلايدى Almaty-akshamy.kz
قانات مۋسين ۇكىمەتتىڭ 2023 جىلعا ارنالعان زاڭ جوبالاۋ جۇمىستارى جوسپارىنىڭ جوباسىندا 34 زاڭ جوباسىن ازىرلەۋ كوزدەلگەنىن، ونىڭ ىشىندە 15 زاڭ جوباسى ءبىرىنشى جارتىجىلدىقتا، 19 زاڭ جوباسى ەكىنشى جارتىجىلدىقتا پارلامەنتكە ۇسىنىلۋى ءتيىس ەكەنىن ايتتى.
جالپى، ءمينيستردىڭ ايتۋىنشا، جوسپار جوباسى پرەزيدەنت ايقىنداعان مىندەتتەر مەن مەملەكەتتىڭ ستراتەگيالىق قۇجاتتارى نەگىزىندە جاسالعان.
«قالا قۇرىلىسى كودەكسى مەن بيۋدجەت كودەكسىن، جەر قويناۋىن پايدالانۋ، مەملەكەتتىك-جەكەشەلىك ارىپتەستىك، كوشى-قون، مەملەكەتتىك ساتىپ الۋ، سالىق سالۋ ماسەلەلەرى بويىنشا زاڭ جوبالارىن ازىرلەۋ، سونداي-اق اكىمشىلىك سوت تورەلىگىن، قىلمىستىق، قىلمىستىق ءىس جۇرگىزۋ جانە اكىمشىلىك زاڭنامانى جەتىلدىرۋ جوسپارلانۋدا»، دەدى قازاقستان رەسپۋبليكاسىنىڭ ادىلەت ءمينيسترى قانات مۋسين.
سونىمەن قاتار، ادىلەت مينيسترلىگىنىڭ باسشىسى سۋ كودەكسىن، سونداي-اق تۇتىنۋشىلاردىڭ قۇقىقتارىن قورعاۋعا، بۇقارالىق اقپارات قۇرالدارىنا جانە اكۆاكۋلتۋراعا قاتىستى جاڭا رەداكسياداعى زاڭ جوبالارىن ازىرلەۋ جوسپارلانىپ وتىرعانىن ايتتى.
بۇعان دەيىن ۇكىمەت وتىرىسىندا ق ر ادىلەت ءمينيسترى قانات مۋسين «تۇڭعىش پرەزيدەنت – ەلباسى تۋرالى» زاڭنىڭ جوعالۋىنا بايلانىستى جۇمىس قالاي ءجۇرىپ جاتقانىن ايتىپ بەردى.
ونىڭ ايتۋىنشا، ەلباسىنىڭ مارتەبەسىن جويۋ تۋرالى زاڭ جوباسى ءالى دەپارتامەنت قاراۋىنا تۇسكەن جوق.