بيىل قازاقستاندىق فەرمەرلەر 948،5 مىڭ توننا ەت ءوندىردى، بۇنىڭ كولەمى ءبىر جىل بۇرىنعى ۇقساس كەزەڭمەن سالىستىرعاندا ورتا ەسەپپەن 0،5%-عا ءوستى.
اۋىل شارۋاشىلىعى مينيسترلىگىنىڭ مالىمەتىنشە، ەڭ ۇلكەن ءوسىمدى 4،8%-بەن جىلقى ەتىنىڭ ءوندىرىسى كورسەتكەن، بۇل 114،1 مىڭ توننا. سونداي-اق قۇس ەتى 2،9% - عا ءوسىپ، 239،6 مىڭ توننانى قۇرادى، دەپ حابارلايدى Almaty-akshamy.kz.
جىل باسىنان بەرى 400،1 مىڭ توننا سيىر ەتى، 113،7 مىڭ توننا قوي ەتى، شامامەن 61.2 مىڭ توننا شوشقا ەتى ءوندىرىلدى.
«ەت ەكسپورتى بيىلعى قىركۇيەككە قاراي 1 ملن دوللارعا 29،7 مىڭ توننا كولەمىنە جەتتى. ەكسپورتتىڭ باسىم بولىگى سيىر ەتىنە تيەسىلى - 13،5 مىڭ توننا، سونداي-اق شەتەلگە 6،7 مىڭ توننا قوي ەتى مەن 9،5 مىڭ توننا قۇس ەتى ساتىلدى»، - دەپ جازدى ۆەدومستۆودان.
يمپورتقا قاتىستى وسىنداي كەزەڭدە الىس جانە جاقىن شەتەلدەردەن بارلىق تۇردەگى 110 مىڭ توننا ەت يمپورتتالدى. يمپورتتىڭ باسىم بولىگى قۇس ەتىنە تيەسىلى، ەلگە شامامەن 97،5 مىڭ توننا اكەلىندى.