جالپى قۋاتى 45 گيگاۆاتت.
ەلىمىزدىڭ باتىس جانە ورتالىق وڭىرلەرىندە نەمىس تەحنولوگياسى نەگىزىندە كۇن جانە جەل ەلەكتر ستانسياسى جوباسى قولعا الىنباق، دەپ حابارلايدى Almaty-akshamy.kz
بۇل تۋرالى مالىمدەگەن ق ر سىرتقى ىستەر ءمينيسترىنىڭ ورىنباسارى رومان ۆاسيلەنكونىڭ ايتۋىنشا، بۇگىندە ساران قالاسىندا نەمىستىڭ «Goldbeck Solar» اتتى فيرمانىڭ قاتىسۋىمەن ورتالىق ازياداعى ءىرى، قۋاتى 100 مەگاۆاتتىق كۇن ەلەكتر جوباسى ىسكە قوسىلدى.
«نەمىس كاپيتالىنىڭ قاتىسۋىمەن 600-دەن استام كاسىپورىن تابىستى جۇمىس ىستەپ جاتىر. ءبىزدىڭ ەلىمىزگە نەمىس كومپانيالارىنىڭ قىزىعۋشىلىعى ارتا تۇسۋدە. سوڭعى 15 جىلدا گەرمانيادان قازاقستانعا كەلىپ تۇسكەن تىكەلەي ينۆەستيسيالار 5،3 ملرد دوللار قۇرادى. ونىڭ باسىم بولىگى (شامامەن 80%) شيكىزاتتىق ەمەس سەكتورعا، اۋىل شارۋاشىلىعى، قۇرىلىس، دەنساۋلىق ساقتاۋعا، كولىك لوگيستيكاسىنا باعىتتالدى. جاقىن ارادا «SVEVIND» درەزدەن كومپانياسى باتىس جانە ورتالىق قازاقستاننىڭ دالاسىندا جالپى قۋاتى 45 گيگاۆاتت جەل جانە كۇن ەلەكتر ستانسيالارىن سالۋ بويىنشا ءىرى جوباعا كىرىسەدى. قازاقستان - نەمىس كاسىپكەرلەرى مەن ينۆەستورلارى ءۇشىن جاڭا مۇمكىندىكتەر مەكەنى، الەۋەتى جوعارى. ەكىجاقتى ينۆەستيسيالىق احۋالدى جەتىلدىرە ءتۇسۋ ارقىلى ورتاق جەتىستىكتە قول جەتكىزەتىنىمىزگە سەنىمدىمىن»، - دەدى رومان ۆاسيلەنكو.