ەلدە سينتەتيكالىق ەسىرتكىلەردىڭ جاستار اراسىندا تارالۋىنىڭ الدىن الۋعا باعىتتالعان گرانتتىق جوبا ىسكە اسا باستادى.
اقپارات جانە قوعامدىق دامۋ مينيسترلىگىنىڭ مالىمەتىنشە، مۇنداعى ماقسات – ەسىرتكى قىلمىسىنا قارسى ءىس-قيمىلدى جۇرگىزۋ جانە جاستار اراسىندا سينتەتيكالىق ەسىرتكىلەردىڭ تارالۋىنىڭ، پايدالانىلۋىنىڭ الدىن الۋ، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سوڭعى جىلدارى ەسىرتكىنىڭ تارالۋىنا قارسى كۇرەس سالاسىنداعى جاعداي وزگەردى. ءداستۇرلى ەسىرتكىنى سينتەتيكالىق ەسىرتكى دەگەن جاڭا پسيحوتروپتىق زاتتار اۋىستىردى. ولار باعاسىنىڭ ارزاندىعىمەن، ايقىن پسيحوتروپتىق اسەرىمەن، تاۋەلدىلىكتىڭ جىلدام قالىپتاسۋىمەن ەرەكشەلەنەدى»، - دەيدى «سەرعالي-تۇركىستان» رقب ءتورايىمى شولپان ۋسمانوۆا.
جوبا اياسىندا دەنساۋلىق ساقتاۋ، ىشكى ىستەر ورگاندارىنىڭ پسيحولوگ، ناركولوگيا قىزمەتى ماماندارى ورتا، ارنايى ورتا جانە جوعارى وقۋ ورىندارىندا وقۋشىلار مەن ستۋدەنت جاستار اراسىندا سينتەتيكالىق ەسىرتكىنى قولدانۋدىڭ قاۋىپتىلىگى مەن سالدارىن ءتۇسىندىرۋ شارالارىن وتكىزەدى. سونداي-اق، جوبا اياسىندا قازاقستاندىقتار قوڭىراۋ شالىپ، ەسىرتكىنى پايدالانۋ نەمەسە وتكىزۋ فاكتىلەرى تۋرالى حابارلاي الاتىن قىزمەت قۇرۋ كوزدەلگەن.