استانادا ءوتىپ جاتقان رەسپۋبليكالىق دوداعا ەلمىزدىڭ بارلىق ايماعىنان 40-تان اسا كىتاپحاناشى جينالعان.
قاتىسۋشىلار وزدەرىنىڭ تىڭ جوباسىن ۇسىنىپ، ونى جۇزەگە اسىرۋ جولدارىن تالقىعا سالۋدا، دەپ حابارلايدى Almaty-akshamy.kz.
ۇيىمداستىرۋشىلار وسىمەن ەكىنشى مارتە ءوتىپ تۇرعان سايىس جاس مامانداردىڭ زاماناۋي كىتاپحانا جۇيەسىن قالىپتاستىرىپ، تاجىريبە الماسۋىنا كومەكتەسەدى دەيدى. سونداي-اق، جيىندا ەلىمىزدە كىتاپحاناشىلار ۇيىمىن قۇرۋ ماسەلەسىن كوتەردى.
«كىتاپحاناعا ءتۇرلى وقىرماندار كەلەدى. سولارعا ساي قىزمەت ەتۋ كەرەك. وقىرمانداردىڭ دا تالابى ءار ءتۇرللى. سوندىقتان، ءتۇرلى جوبالارمەن جۇمىس ىستەۋ كىتاپحانالاردىڭ جوسپارىنا ەنىپ كەتتى. ءقازىر 10 جوبا تاڭداپ الدىق. جاس ماماندار كەيستەرىن قورعاپ جاتىر. وعان قازىلار القاسى بار. ءبىز مىندەتتى تۇردە جەڭىمپاز بولعان جوبانى حابارلايمىز»، - دەيدى ق ر ۇلتتىق اكادەميالىق كىتاپحاناسىنىڭ ديرەكتورى عازيزا قۇدايبەرگەن قىزى.
.