ەلىمىزدە جاس عالىمدارعا ۇكىمەت تاراپىنان جىل سايىن 200 باسپانا بولىنەدى. ال پروفەسسورلاردىڭ جالاقىسى جىل سايىن 20%-كە وسەدى. بۇل تۋرالى جەتىسۋ وڭىرىنە ساپارى بارىسىندا عىلىم جانە جوعارى ءبىلىم ءمينيسترى ساياسات نۇربەك مالىمدەدى.
سالاعا الداعى 3 جىلدا 650 ميلليارد تەڭگە بولىنەدى. ونىڭ 6،5 ملرد تەڭگەسى عىلىمدى دامىتۋعا جۇمسالادى. اقىسىز جۇمىس اتقاراتىن ۇلتتىق عىلىمي كەڭەس مۇشەلەرىنە ايلىق تاعايىنداۋ جايى دا قاراستىرىلىپ جاتىر.
مينيسترلىك ءوز كەزەگىندە وڭىرلەردەگى جوعارى وقۋ ورىندارىن دامىتۋعا كۇش سالادى. ول ءۇشىن 15 وڭىرلىك، 5 پەداگوگيكالىق ۋنيۆەرسيتەت تاڭدالدى. سونىڭ ءبىرى – ءىلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى. ۆەدومستۆو باسشىسى ۋنيۆەرسيتەتتىڭ ماتەريالدىق-تەحنيكالىق بازاسىمەن تانىسىپ، كىتاپحاناسى مەن تەلەستۋدياسىن كوردى. جاتاقحانا ماسەلەسى دە ءسوز بولدى.