ديامەترى 50 مم بولاتىن ەكى قاباتتى سەگىز بۇرىشتى جۇلدىز پىشىنىندە جاسالعان.
قازاقستاندا جاڭا "ەل بىرلىگى" وردەنى بەكىتىلەدى. اقپارات جانە قوعامدىق دامۋ مينيسترلىگى پرەزيدەنت وكىمىنىڭ جوباسىن ازىرلەدى، دەپ حابارلايدى Almaty-akshamy.kz
"ەل بىرلىگى" وردەنى ديامەترى 50 مم بولاتىن ەكى قاباتتى سەگىز بۇرىشتى جۇلدىز پىشىنىندە جاسالعان.
وردەننىڭ بەتكى جاعىنىڭ ورتاسىندا "شاڭىراق" ورنالاسقان كوگىلدىر ءتۇستى ەمالمەن تولتىرىلعان. "شاڭىراقتان" شەڭبەر بويىمەن "ۋىق" تۇرىندەگى كۇن ساۋلەلەرى تارالعان. "شاڭىراقتىڭ" اينالاسىندا كوگىلدىر ءتۇستىڭ اياسىندا "قوشقار ءمۇيىز" ويۋى ورنالاسقان. "شاڭىراقتىڭ" استىنداعى لەنتادا جارتىلاي شەڭبەردە "ەل بىرلىگى" دەگەن جازۋ ورنالاسقان.
وردەن اق ءتۇستى مەتالدان – التىن جالاتىلعان كۇمىس قورىتپاسىنان جاسالادى.
"وكىم جوباسى ازاماتتاردىڭ ۇلت بىرلىگىن نىعايتۋعا سىڭىرگەن ەڭبەگىن تانۋعا باعىتتالعان جانە ءتيىستى مەملەكەتتىك ناگرادانى قۇرۋ جونىندە شارالار قابىلداۋدى، وسى مەملەكەتتىك ناگرادانىڭ سيپاتتاماسىن كوزدەيدى"، - دەلىنگەن تۇسىندىرمە جازبادا.
"اشىق نقا" پورتالىندا جاريالانعان قۇجات 12 شىلدەگە دەيىن قوعام تالقىسىنا شىعارىلدى.
ەسكە سالساق، ءساۋىر ايىندا قازاقستان حالقى اسسامبلەياسىنىڭ ءحححىى سەسسياسىندا پرەزيدەنت قاسىم-جومارت توقايەۆ قحا-نىڭ "ۇلت بىرلىگىن نىعايتۋ جولىنداعى جەمىستى ەڭبەگى ءۇشىن" وردەنىن بەكىتۋدى ۇسىنعان بولاتىن.
ول العاشقى لاۋرەاتتارعا بۇل ماراپاتتى بيىل قازان ايىندا رەسپۋبليكا كۇنىنە وراي تابىستاۋعا بولاتىنىن اتاپ ءوتتى.