ەلىمىزدە جىل باسىنان بەرى تەرروريزم جونىندە جالعان اقپارات بەرگەنى ءۇشىن جەتى ادام باس بوستاندىعىنان ايىرىلدى.
بۇل تۋرالى ىشكى ىستەر مينيسترلىگى مالىمدەدى. تەرروريزم اكتىسى تۋرالى جالعان حابارلاما ءۇشىن جازا قىلمىستىق كودەكستىڭ 273-بابىندا كوزدەلگەن، دەپ حابارلايدى Almaty-akshamy.kz.
ول ءۇشىن ايىپپۇل نەمەسە تۇزەتۋ جۇمىستارى، سونداي-اق 5 جىلعا دەيىنگى مەرزىمگە باس بوستاندىعىنان ايىرۋ قاراستىرىلعان.
«قىلمىسكەردىڭ قىلمىس جاساۋى ءارتۇرلى بولۋى مۇمكىن. ول - كەك الۋ، بۇزاقىلىق نيەت، وزىنە نازار اۋدارۋ. الايدا ادامنىڭ قالجىڭ رەتىندە ويلانباي جاساعان ارەكەتى ءۇشىن شىنايى اۋىر جازا قولدانىلاتىنىن بۇل جەردە تۇسىندىرگىم كەلىپ وتىر»، - دەيدى ق ر ءىىم ەكسترەميزمگە قارسى ءىس-قيمىل دەپارتامەنتى باستىعىنىڭ ورىنباسارى دارحان رازۋيەۆ.