«اتامەكەن» ۇلتتىق كاسىپكەرلەر پالاتاسىنىڭ كەزەكتەن تىس ءىح سەزى ءوتتى
ەلىمىزدە ينۆەستيسيالىق ساياساتتىڭ جاڭا تۇجىرىمداماسى ازىرلەندى. بۇل تۋرالى ق ر پرەمەر-مينيسترى ءاليحان سمايىلوۆ ءمالىم ەتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«وتاندىق كاسىپكەرلەر كەڭەسىمەن بىرگە ينۆەستيسيالىق احۋالدى جانە بيزنەس ورتانى ءارى قاراي جاقسارتۋعا باعىتتالعان شارالار ىسكە اسىرىلادى. سونداي-اق، ينۆەستيسيالىق ساياساتتىڭ جاڭا تۇجىرىمداماسى ازىرلەندى. وندا نەگىزىنەن جەكە ينۆەستيسيالارعا باسىمدىق بەرىلەدى. بىزگە ەلىمىزدىڭ ەكونوميكاسىن قالپىنا كەلتىرۋ مەن دامىتۋدىڭ درايۆەرى بولاتىن جوبالار قاجەت»، - دەدى ءاليحان سمايىلوۆ.
سونداي-اق، ۇكىمەت باسشىسى قازاقستاندىق بيزنەستى ۇلتتىق ەكونوميكاعا بەلسەندى تۇردە ينۆەستيسيا سالۋعا شاقىردى.
«ال مەملەكەت ءوز كەزەگىندە جەكەمەنشىكتىڭ جانە زاڭ ۇستەمدىگىنىڭ تۇراقتىلىعىنا كەپىلدىك بەرۋى ءتيىس. ينفراقۇرىلىم بيزنەستىڭ بارىنە بىردەي قولجەتىمدى بولۋى قاجەت»، - دەيدى ول.