داتاسى حالىقارالىق وليمپيادا كوميتەتىنىڭ قۇرىلعان كۇنىنە ورايلاستىرىلعان.
قازاقستاندا سپورتتىڭ تانىمالدىلىعىن ارتتىرۋ ماقساتىندا حالىقارالىق وليمپيادا كۇنى وتەدى، دەپ حابارلايدى Almaty-akshamy.kz
23 ماۋسىمدا حالىقارالىق وليمپيادا كوميتەتىنىڭ قولداۋىمەن بۇكىل الەمدە حالىقارالىق وليمپيادا كۇنى اتاپ وتەدى.
1948 جىلى 42 سەسسيا كەزىندە حالىقارالىق وليمپيادا كوميتەتى سانكت-موريسەدە جىل سايىن 23 ماۋسىمدا حالىقارالىق وليمپيادا كۇنىن اتاپ ءوتۋ تۋرالى شەشىم قابىلدادى. بۇل كۇن حوك-تىڭ قۇرىلعان كۇنىن - 1894 جىلعى 23 ماۋسىمدى تاريحتا ماڭگىلىككە قالدىرۋ ءۇشىن تاڭداپ الىندى. ال وعان باستاماشى بولعان، وليمپيادالىق قوزعالىستىڭ قايتا جانداندىرۋ يدەياسىنىڭ جاناشىرى بارون پەر دە كۋبەرتەن حالىقارالىق اتلەتيكالىق كونگرەسس الدىندا ءسوز سويلەپ، ءوزىنىڭ تاريحي بايانداماسىن ۇسىندى.
قازاقستاننىڭ ۇلتتىق وليمپيادا كوميتەتى - الەمدىك اكسيانىڭ بەلسەندى قاتىسۋشىسى. قازاقستاندا وليمپيادالىق قوزعالىستى ىلگەرىلەتۋ جانە حالىق اراسىندا سپورتتىڭ تانىمالدىلىعىن ارتتىرۋ ماقساتىندا وليمپيادا كۇنىن مەرەكەلەۋ 30 جىل بويى وتكىزىلىپ كەلەدى.
بۇل مەرەكە، وليمپيادالىق قوزعالىستىڭ ءوزى سياقتى، بارلىق شەكتەۋلەر مەن شەكارالاردى جويىپ، كۇللى ادامزاتتى بىرىكتىرەدى. ال وليمپيادالىق قوزعالىستىڭ باستى قۇندىلىعى - ادام، نەگىزگى پرينسيپتەرى – دوستىق، ءوزارا تۇسىنىستىك پەن ىنتىماقتاستىق.
بۇگىندە وليمپيادا ويىندارىنىڭ جەڭىمپازى، ەڭ بولماعاندا ونىڭ قاتىسۋشىسى بولۋدى ارماندامايتىن سپورتشى جوق شىعار. سەبەبى وليمپيادا چەمپيوندارى - كەز-كەلگەن ەلدىڭ ماقتانىشى، بەتكە ۇستار ازاماتتارى. وليمپيادالىق قوزعالىستىڭ ماقساتتارىنا كەلەر بولساق، ولاردىڭ ءبىرى - جاستاردى ءوزارا تۇسىنىستىك رۋحىن نىعايتاتىن سپورت ارقىلى تاربيەلەۋ.
تاريحي كۇنگە وراي ەلورداداعى ترياتلون ساياباعىندا وليمپيادا چەمپيوندارى مەن سپورت تۇرلەرى بويىنشا جۇلدەگەرلەردىڭ شەبەرلىك ساباقتارىمەن، كاراتە مەن تاەكۆوندودان كورمە ويىندارىمەن ۇلكەن سپورت مەرەكەسى وتەدى. جاس سپورتشىلار مەن كورەرمەندەر ەستافەتالارعا، ءتۇرلى جارىستار مەن بايقاۋلارعا قاتىسىپ، ق ر ۇوك-تان ەستەلىك سىيلىقتار مەن كادەسىيلار الادى.
سونىمەن قاتار، ءداستۇر بويىنشا ق ر ۇوك مەن سپورتشىلار جىل سايىن "وليمپيادا كۇنىندە دۇنيە ەسىگىن اشقان" اكسياسىن وتكىزىپ، بۇكىل قازاقستان بويىنشا انالار مەن جاڭا تۋعان نارەستەلەرگە ەستەلىك سىيلىقتار تابىستايدى. ونداعى وي - اناسى مەن بالاسىنا قۋانىش سىيلاۋ. وليمپيادا كۇنىندە تۋىلعاندار كەلەشەكتە ءوز ەلىنىڭ بەتكە ۇستار ازاماتتارى بولار نە بولاشاق وليمپيادا چەمپيوندارى رەتىندە تاريحتا قالار، كىم بىلەدى؟!