ەلىمىزدە گەولوگيالىق بارلاۋ ءىسى جولعا قويىلعان

تاۋ-كەن ءىسى دامىپ كەلەدى.

قازاقستاننىڭ مينەرالدىق-شيكىزات كەشەنى تاۋەلسىزدىك جىلدارىندا الەمنىڭ نارىقتاعى تالاپتارىنا تولىق بەيىمدەلدى. بۇل تۋرالى وكق بريفينگىندە ەلىمىزدىڭ ەكولوگيا، گەولوگيا جانە تابيعي رەسۋرستار ۆيسە-مينيسترى سەرىكقالي برەكەشيەۆ مالىمدەدى، دەپ حابارلايدى Almaty-akshamy.kz. Qazaqtv.com-عا سىلتەمە جاساپ.

ايتۋىنشا، سوڭعى 30 جىلدا مىڭنان استام كەن ورنى جەر قويناۋىنا پايدالانۋعا بەرىلگەن. بۇگىندە ولاردىڭ ءارقايسىسى مەملەكەتكە تابىس اكەلىپ قانا قويماي، حالىقتى جۇمىسپەن قامتاماسىز ەتىپ وتىرعانىن اتاپ وتكەن ءجون. رەسپۋبليكادا مۇنداي وبەكتىلەردىڭ سانى 1،5 مىڭنان اسادى.

سپيكەردىڭ پىكىرىنشە، بۇل دەرەك ەڭ الدىمەن، قازاقستانعا قوماقتى قارجى سالىمىنىڭ كەلۋىنە سەبەپشى بولادى. ماسەلەن، سوڭعى 25 جىلدا ەلىمىزگە شامامەن 73 ترلن تەڭگە تارتىلدى. ولاردىڭ 70% جۋىعى مۇناي-گاز سەكتورىن دامىتۋعا باعىتتالدى. قالعان بولىگى تاۋ-كەن مەتاللۋرگيا سالاسىنا تيەسىلى. سەرىكقالي برەكەشيەۆ ينۆەستيسيا ءۇشىن باسىم باعىتتار جانە بولاشاققا جوسپار تۋرالى دا ايتىپ بەردى.

«باسقا دا پايدالى قازبالار – ۆولفرام، موليبدەن، اليۋمينيي، قالايى، سونداي-اق سيرەك كەزدەسەتىن جەرلەر بويىنشا جاڭا كەن ورىندارىن اشۋ جوسپاردا بار. سالانى ودان ءارى دامىتۋ باعىتىن ايقىنداۋ ماقساتىندا گەولوگيا سالاسىن دامىتۋ تۇجىرىمداماسىن وزەكتەندىرۋ بويىنشا جۇمىس جۇرگىزىلۋدە. ال تۇجىرىمداما «قازاقستاندىقتاردىڭ ءال-اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» جوباسى اياسىندا ىسكە اسىرىلادى. جۇمىستار گەولوگيالىق بارلاۋ جۇمىستارىنىڭ كەيىنگى كەزەڭدەرىن جۇرگىزۋ جانە گەولوگيالىق بارلاۋعا ينۆەستيسيالار تارتۋ ءۇشىن قازاقستان اۋماعىنداعى كەلەشەگى بار جەرلەردى باعالاي وتىرىپ، گەولوگيالىق قامتۋ كارتالارىن جاساۋعا مۇمكىندىك بەرەدى»، - دەدى ق ر ەكولوگيا، گەولوگيا جانە تابيعي رەسۋرستار ۆيسە-مينيسترى سەرىكقالي برەكەشيەۆ.