بۇل تۋرالى قاسىم-جومارت توقايەۆ VIII سايلانعان قازاقستان رەسپۋبليكاسى پارلامەنتىنىڭ ءبىرىنشى سەسسياسىندا ايتتى.
- جۋىردا وتكەن ءماجىلىس جانە ءماسليحات سايلاۋىنىڭ قورىتىندىسى بويىنشا، پارلامەنتكە ءتۇرلى الەۋمەتتىك توپتان شىققان وكىلدەردىڭ كەلۋىنە جول اشىلعانىن بايقاپ وتىرمىز، - دەدى مەملەكەت باسشىسى.
«ەندى پارتيالار ەلىمىزدىڭ بولاشاعىنا زور ىقپال ەتەتىن ساياسي ۇدەرىستىڭ باسى-قاسىندا جۇرەتىن بولادى. ماجىلىسكە ءبىر مانداتتى وكرۋگتەن دە دەپۋتاتتار سايلاندى. ياعني، پارلامەنتكە ءتۇرلى الەۋمەتتىك توپتان شىققان وكىلدەردىڭ كەلۋىنە جول اشىلدى»، - دەدى پرەزيدەنت العاشقى سەسسيا بارىسىندا.
مەملەكەت باسشىسىنىڭ ايتۋىنشا، ۇزاق جىلدان بەرى العاش رەت ءوزىن-وزى ۇسىنعان ۇمىتكەرلەر دەپۋتات اتاندى.
«ءبىرقاتار ازامات پارتيا اتىنان شىققان ۇمىتكەرلەردى تارتىستى باسەكەدە جەڭىپ شىقتى. وسىلايشا، ەلىمىزدە دەموكراتيا ءداستۇرى جاڭا دەڭگەيگە كوتەرىلىپ، نىعايا ءتۇستى. ساياسي كۇشتەردىڭ بارىنە بىردەي مۇمكىندىك بەرىلەتىنىنە ازاماتتاردىڭ سەنىمى ارتتى»، - دەپ قوستى قاسىم-جومارت كەمەل ۇلى.